Diocesi de Sasau

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Diocesi de Sasau Dioecesis Sasabensis
Diocesi titular d'Aragón
Entidat  • Provincia	Diocesi titular Tarragona
Capital	Sasau
Seu bispal	Sant Hadrián de Sasau
Fundación	Arredol de 920 1969 (titular)
Desaparición	1075

A diocesi de Sasau (en latín Dioecesis Sasabensis) ye una diocesi aragonesa suprimida y actual seu titular d'a Ilesia Catolica.

Historia

Sasau fa referencia a o monesterio de Sant Hadrián de Sasau, en a val de Lubierre, en o municipio actual de Borau (Uesca). D'iste monesterio huei nomás queda a ilesia.

Dimpués d'a invasión musulmana d'Hispania, a diocesi de Uesca permaneixe vacant mientres un sieglo. En o sieglo X o territorio de l'actual Aragón quedó baixo o dominio d'os reis de Navarra y, dende o punto d'anvista eclesiastico, pendeba de Pamplona. Dada a extensión d'a propia diocesi, en 922 o bispe Galindo de Pamplona consagró tres nuevos bispes, entre os que subdividió o territorio. Un d'istes bispes estió Ferriol, qui asumió o nombre de "bispe de Sasau", porque, en absencia d'un centro habitau de cierta grandaria y importancia, instaló a suya seu en o monesterio que levaba o nombre de "Sasau" en a val de Borau. Os bisoes asumirían tamién o nombre de "bispes d'Aragón", ya que ista chicota diocesi yera a primera seu episcopal aragonesa.

En 1077 o rei aragonés Sancho Remíriz puya a Chaca a o rango de ciudat y primera capital d'o reino, trasladando-ie a seu aragonesa y metendo punto final a la diocesi de Sasau.

En 1969 Sasau ye creyada como seu episcopal titular d'a Ilesia catolica. Dende o 29 de noviembre de 1999 o bispe titular ye Giacomo Guido Ottonello, tamién nuncio apostolico en Eslovaquia.

Cronolochia episcopal

• Inacio (Eneco) ? † (arredol de 920).
• Ferriol † (arredol de 922).
• Fortún † (933 - 947).
• Uruel † (971 - 978).
• Atón † (981).
• Mancio † (1011 ? - 1036).
• García † (1036 - 1057).
• Sancho † (1058 - 1075).
  • Seu tresladada ta Chaca.

Bispes titulars

• Santo Bergamo (15 d'aviento de 1969 - 18 de noviembre de 1971), nombrau bispe d'Oppido Mamertina
• Alphonse Gallegos, O.A.R. (24 d'agosto de 1981 - 6 d'octubre de 1991)
• Julián Barrio Barrio (31 d'aviento de 1992 - 5 de chinero de 1996), nombrau arcebispe de Santiago de Compostela
• Juan José Omella Omella (15 de chulio de 1996 - 29 d'octubre de 1999), nombrau bispe de Balbastro-Monzón
• Giacomo Guido Ottonello (Dende o 29 de noviembre de 1999)

Se veiga tamién

• Monesterio de Sant Hadrián de Sasau
• Diocesi de Chaca

Vinclos externos

• (en) Sasabe en Catholic-Hierarchy.
• (en) Esquema d'a diocesi en www.gcatholic.org
• (es) Cronolochia episcopal
• (es) Nota historica sobre a diocesi

• Datos: Q58344682