Deus Fagus

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Deus Fagus ye o dios d'o Fayo, u a divinización d'o numen de l'árbol. Este árbol estió muito important pa la economía d'os montanyeses, porque da fusta (que s'aprofitaba muito en o periodo romano) y porque o fruito ye comestible.

Se conoixe por inscripcions d'epoca romana que bi ha en altars conmemorativos de Bigorra y Comenche, en alfabeto latino.

A mas gran parte d'as estelas dedicatas a este dios s'han trobato arredol d'os lugars de Générest y Tibirán (Altos Pireneus). Con as inscripcions bi ha fuellas y esvasticas gravatas.

O nombre d'o dios ye latinizato, pero ye posible que a forma en aquitano fuese pareixita a o latín, que fuese Bago, amprato d'o celta. O toponimo Bayona s'interpreta como "O gran fayo" y poderba representar un gran fayo sagrato.

Tamién s'ha quiesto interpretar o toponimo Fago d'a Val d'Ansó a partir d'esta divinidat.