Descusión usuario:RANUECO

Bienveniu a Biquipedia!

Si quiers puetz consultar as primeras indicacions ta editar y modificar articlos d'a Wikipedia en aragonés.

Puetz consultar tamién a recopilación de Preguntas Freqüents que hemos feita, a sintaxi d'a Wikipedia y fer as tuyas primeras prebatinas en a Plana de Prebatinas. Como Biquipedia ye encara un prochecto en creiximiento, as nuestras pachinas d'aduya talment no seigan encara completas, y per ixo te recomendamos que si dimpués de leyer-las encara tiens garra dandalo consultes as pachinas d'aduya d'a Wikipedia en espanyol, en anglés, etc. que trobarás prou más completas.

Ta completar a presentación, te consellamos de fer una gollada per as recomendacions a seguir: (os regles de neutralidat, l'admesibilidat d'os articlos, o Copyright...) y tamién per os Portals, a on que de seguro i trobarás bell tema que t'interese.

Ta sinyar os tuyos mensaches (nomás en as pachinas de descusión) puetz picar ~~~ ; con una quatrena tilde, amés d'a tuya sinyada se i anyadirán a calendata y a hora (~~~~). Para cuenta que no s'han de sinyar os articlos enciclopedicos!. Ye posible de mirar a lista d'os suyos autors en o historial.

Si quiers, tamién puetz editar a decir-nos tuya pachina presonal a on puetz charrar de qui yes y quals son os tuyos temas d'interés. Si yes arribau dende bell altra Wikipedia, no t'oblides de meter-ie tamién os vinclos enta as tuyas altras pachinas presonals.

Ta fer más fácil a comunicación interlingüistica entre os usuarios, puetz indicar quals son as luengas que conoixes -y dica qué nivel- encluyendo en a tuya pachina personal qualsiquiera d'as plantillas que trobarás en Wikipedia:Babel.

Y sobre as custions a tratar, consulta a os usuarios mira-te "cómo planteyar un tema". No t'oblides tampoco que existe una lista d'articlos importants que encara s'han de fer u amillorar, a on trobarás un buen cabo ta estirar-ne si encara no sabeses per a on prencipiar. Ta dentrar en a vida d'a comunidat puetz fer una gollada a las noticias u fer una pasada en A Tabierna.

Ya que te seigan buens os tiempos entre nusaltros!

Don't understand Aragonese? See English version of this document here

¿Eres castellanohablante y te interesa el aragonés? Aquí encontrarás la versión castellana de este documento

Plantillas taxobox

Ola Ranueco, biemplegato en Biquipedia. Beigo que yes fendo un articlo sobre Rana dalmatina pero que tienes cualques problemas con o pliego d'as plantillas de tacsonomía. O problema probiene de que muitos articlos d'animals s'han editato prenendo como modelo bella plantilla que teneba mal un par de cosetas (p. ex. as cometas ('') que introduzen a letra corsiba, ta o nombre de cada tacson, que son implizitas en o codigo d'a plantilla y no cal introduzir-las manualment) y si tú la yes copiando, pegando y modeficando dende cualcun d'ixes, reproduzes ixe error. No sufras que si quiers, puez emplegar como modelo a taxobox de l'articlo Salamandra salamandra que te la he arreglato en un momentet ta que la puedas copiar y modeficar y te i dé os menos problemas posibles. Si tiens cualsiquier duda más, no dudes de consultar-me :) --Lascorz (Quiers cosa?) 20:27 17 chi 2010 (UTC)

Podarcis atrata

En o libro d'os anfibios d'a editorial planeta consideran Podarcis atrata una especie diferent de Podarcis hispanica y endemica d'as Columbretes. Manimenos, en o libro d'a fauna d'os Perineus cuan as glaciacions dicen que P.atrata ye como denominan a las poblacions de Podarcis hispanica de Levant peninsular, Val de l'Ebro, e puntos de Guipuzcoa e Occitania....¿ como s'entiende esto ?. Por atra parte te quereba preguntar si Rana pueyoi dentro d'o chenero Rana ye de bel subchenero especial como o d'as ranas verdes u atros. Cuan contestes no lo escribas astí baxo, escribe a contestación en a mía pachina de discusión introducindo nueva discusión. Salu2 --EBRO 08:39 13 feb 2010 (UTC)

Articlos herpetolochicos y cambeyo de grafía

Hola Ranueco. De paso que reviso as tuyas valiosas aportacions, cambeyo a grafía de l'articlo. Te diré sobre as parabras que terminan en -eo y son esdrúixolas en luengas latinas que en aragonés terminan en -io y dixan d'estar esdrúixolas: nuclio, Mediterranio, erronio, ecetra. Estas parabras son de rechistro culto (cultismos) y no se gosan presentar quan la chent charra. Si t'explico esto ye porque asobén no lo explican por os libros que puedas trobar y los neoparlants de l'aragonés en fan malas adaptacions con vicios propios d'os castellanoparlants de capital que encomenzoron con a normalización de l'aragonés fa unas decadas como desfer totz os hiatos con una -y- (nucleyo, mediterraneyo, erroneyo, etc...formas que en principio son erronias u inventatas).--EBRO 19:36 4 avi 2010 (UTC)

Colubridae

Ola, Ranueco. T'hei dixau en Colubridae una relación que hei sacau d'a wikipedia en anglés. Mas que mas ta si quiers revisar-la, que d'a parte de dixar-la polida ya lo faré yo si cal dimpués. Salut, y quedan polius istos articlos, no?. --Manuel Trujillo Berges 08:27 31 mar 2011 (UTC)

Sí, a forma ye ista, en a pachina de descusión de l'atro. Pero caldría sinyar os comentarios que se fan en as pachinas de descusión, ixo se fa pretando en ixe simbolo d'un lápiz que se troba en alto, a cucha, en color azul. D'as listas, mete a o tuyo aire, yo las heba meso nomás que ta punto de partita, que ya sabes que soi de letras, si creyes que no ye util la puets borrar, prou que sí. Respective d'o tema d'a cursiva que me dices, ya ye aprebau?. Heba sentiu que se deciba, pero no sabeba que s'hese aprobau ya. Una atra coseta: ta saber lo que se ye fendo a cada momento en a Biqui, tiens a cucha d'a pachina un puesto que diz "zaguers cambios", a on se veye que se ye fendo. --Manuel Trujillo Berges 09:13 31 mar 2011 (UTC)

No, ye que teneba pendient de dar a biemplegata de feba tres días. Mos plegan con prou regularidat, bells 400-500 usuarios nuevos cada mes, encara que muitos nomás miran pero dimpués no escriben... --Manuel Trujillo Berges 13:34 1 abr 2011 (UTC)

Mas que mas ye a forma que se fa servir a ormino, pero no bi ha encara garra norma obligatoria d'a Biquipedia. Ye uno d'os temas que mos cal charrar, porque ya tenemos prous referencias y prous articlos y caldría homocheneizar tot ixo, que en estar una enciclopedia u prochecto común habría de tener tamién unas formas comuns (en aspera d'unas posibles nomas de l'Academia, que prou que sí que serían decisivas, pero dica l'inte l'Academia nomás ha charrau de mayusclas, d'as cursivas nomás fa una referencia marchinal en una pachina, que yo sepa). --Manuel Trujillo Berges 18:43 1 abr 2011 (UTC)

Ola, Ranueco. Te soi fendo as modificacions una a una, que asinas podrás veyer-las paso a paso, que estoi que ye a millor manera de que veigas cómo fer-lo, que si no son muitas y no se veye prou bien. Fácil que no pueda rematar agora, ya continaría dimpués, --Manuel Trujillo Berges 20:23 1 abr 2011 (UTC)

Hola, he decidito que pa descargar-te de fayena iré fendo as bases d'os articlos d'as series d'articlos que tu faigas, por exemplo as serpients y asinas arribarás enantes a la fase d'ir escribindo os textos d'a descripción morfolochica, a distribución local en Aragón, y a ecolochía de cada especie (que ye difícil tamién pa yo). Estos textos pueden estar fuent pa atros articlos, por eixemplo faré un articlo sobre as escatas en os peixes y en os reptils, y en atra ocasión se puet fer un articlo sobre as fosetas que detectan infrarroyos u os verenos d'as serpients.--EBRO 17:30 8 abr 2011 (UTC)

Clasificacions

Bueno, no entendeba la pregunta que has feito este maitín...y por ixo no heba respondito res encara. Yo posé a clasificación que conoixco de fa unas decadas, clasificación que debié leyer en a enciclopedia salvat. Creigo que en ixa clasificación ornitopelviano yera sinonimo d'ornitisquio. Si conoixes una clasificación més moderna y que tamién siga prou acceptata, puetz cambear la que yo posé. Cambeando de tema...quan remates os colubridae...a familia vinient pueden estar os viperidae ?. :).--EBRO 12:59 2 abr 2011 (UTC)

Cambeos de títols

Ola, Ranueco. Ta tresladar una pachina, se fa metendo o cursor dencima d'ixa fecha que bi ha en alto a la dreita, entre a estrela que se troba chunto con "amostrar l'historial" y a caixa de "mirar". Alavez cal fer click en "tresladar" y t'amanixerá a pachina ta treladar, a on caldrá meter o nombre nuevo, ya veyerás que ye prou fácil. --Manuel Trujillo Berges 19:54 2 abr 2011 (UTC)

Agora aniba ta ficar-te la explicación, pero ya ye feita. Buen treballo con os amfibios y reptils.--Cembo123 19:56 2 abr 2011 (UTC)

Categorías

Ola, Ranueco. No cal meter tot l'"árbol chenealochico" d'una especie en as categorías. Como son ordenatas cherarquicament, nomás se mete o suyo chenero. A categoría d'o chenero se categoriza aintro d'a categoría superior, etc, dica plegar enta "sers vivos", que estoi que ye a categoría superior. Nomás en casos dandaliosos se meten posibles redundancias (por eixemplo, si trobamos un sinyor que ye poeta, novelista, escritor de cuentos y d'ensayos, se meterá en as categorías "poeta", "novelista" y "escritor", encara que "poeta" y "novelista" sigan subcategorías de "escritor"). Sí que caldrá que bell día metamos una atra serie de categorías de fauna, a fauna por país ("fauna d'Aragón", "fauna d'Europa", etc) que encara no ye creyata y que caldría adhibir a cada especie con as suyas arias de destribución. --Manuel Trujillo Berges 08:31 7 abr 2011 (UTC)

Bai, tot ixo son as cosas que mica en mica se van conoixendo. Quan prencipié, yo tamién categorizaba mal... --Manuel Trujillo Berges 11:41 7 abr 2011 (UTC)

Enlace en referencias

Ye isto lo que querebas fer?. S'ha feito mesmo que yo te meto agora un enlace enta o que hei feito, edita-lo y verás cómo se fa, metendo en primeras dezaga a ubertura d'o corchet o enlace, seguito d'un espacio y o texto que quiers que se veiga antis de zarrar o corchet. --Manuel Trujillo Berges 07:09 8 abr 2011 (UTC)

Cómo ha d'estar un articlo

Ola, Ranueco, bell día caldrá fer una explicación completa en a pachina que toca, pero un articlo se composa d'un fundo (o conteniu de l'articlo) y unas formas. O conteniu ha d'estar quanto mas amplo millor, cubrindo suficientment as informacions que sigan menester ta que l'articlo informe, que ye o suyo obchectivo. Se compón d'una introducción y de quantos apartatos, seguntes a tematica de l'articlo, dividindo-lo ta una millor comprensión. As formas son segundarias, pero prou importants: una correcta biquipedización, enlazando a os articlos que siga menester; una correcta ortografía y gramática; unas categorías; un infobox; y unas imáchens. Respective d'o infobox, ye nomás que una mena de resumen d'o prencipal de l'articlo, mesmo que se fa en un enciclopedia tradicional, a on se met en requadros as partes destacatas, encara que en o texto de l'articlo a información se repita, memo que en un articlo largo a introducción necesariament repite partes d'o texto que se troba dezaga, en forma de resumen. A tamas d'ixo, bi ha o que se diría un "esbozo", ye decir, un articlo chicot a on se diz o prencipal y basico, que se considera que ye o ran alazetal d'un articlo que dimpués s'enampla, porque os articlos no gosan amanixer perfectos y suficientment amplos, sino que ca fer-los mica en mica. Ista mena d'articlos chicots (que son mas que mas os que tenemos por agora) han de tener os elementos basicos ta que dimpués se'ls pueda enamplar. --Manuel Trujillo Berges 18:28 8 abr 2011 (UTC)