Currywurst
 |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Currywurst | ||
|---|---|---|
 Currywurst | ||
Orichen cheografico | ||
| Cocina: | Gastronomía alemana | |
| Orichen: |  Alemanya | |
| Se mincha en: | Alemanya | |
Elaboración | ||
| Ingredient principal: | salchicha | |
| Ingredients: | salchicha, unto de tomate y curry | |
O Currywurst ye una birolla feita con salchicha frita u unatra salchicha bullida, que se sirve entera u tallada con unto de tomate y curry en polvo u con unto de curry. Ista birolla, que se conoixe dende a postguerra, se sirve prencipalment en tabiernas. Tamién ye una ofierta popular en os minchadors d'interpresas alemanas y tamién ye disponible como que minchada preparada pa fogars privaus.
En Alemanya se consumen anyalment mas de 800 millons de Currywurst. O Currywurst (en combinación con trunfas fritas) ye a minchada de cantina mas popular en Alemanya por 28ª vegada consecutiva en 2020.[1]
Historia
[editar | modificar o codigo]A invención d'o Currywurst s'atribuye a Herta Heuwer en Berlín en 1949, dimpués que obtenese kétchup (u posiblement unto Worcestershire) y curry en polvo d'os soldaus britanicos en Alemanya. Ella mezcló istos ingredients con atras especias y lo chitó sobre salchicha de cochín en esparrillas. Heuwer prencipió a vender ista birolla barata pero abundant en un puesto en a carrera en o districto de Charlottenburg de Berlín, an se fació popular entre os treballadors d'a construcción que reconstruiban a ciudat arranada. En o suyo apocheu, o puesto vendeba 10.000 porcions por semana. Mas tardi ubrió un chicot restaurant que funcionó dica 1974.
Por unatra parti a novela de 1993 Die Entdeckung der Currywurst (titol en aragonés: "A invención d'o Currywurst" de Uwe Timm se convirtió en una obra de teatro en 1998 y una cinta de 2008 con o mesmo nombre. A trama se basa en una teoría alternativa pero no prebada que o Currywurst s'inventó en Hamburgo.
Referencias
[editar | modificar o codigo]- ↑ (de) "Kantinen-Ranking: Klassiker bleibt weiter Nummer eins" en T-Online.de
Datos: Q176063
Multimedia: Currywurst / Q176063