Cuello de Swan

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Cuello de Swan Couloir Swan
Cuello de Swan y vía d'escalada d'o mesmo nombre vistos dende a versant norte.
Situación
País	Aragón Occitania
De ta	Valle Verde (Bielsa) Glaciar de Pailla (Gavarnía)
Datos chenerals
Altaria	2.967 m
Trazau / construito en
Maxima costera	%
Longaria	km
Tipo
Zarrau d'hibierno
Mapa

O cuello Swan (en francés Col Swan) ye un cuello y vía d'escalada (en francés Couloir Swan) rectilinia que constituye o fundo d'o diedro formau por os dos picos de Marmorés (Marmorés d'el Cul Gran y Marmorés d'el Cul Chicot por a suya cara norte), aitro d'o macizo de Gavarnía (Altos Pireneus). O cuello Swan desepara os dos monts a 2.967 metros d'altaria y une a versant aragonesa en o municipio de Bielsa con a occitana en o municipio de Gavarnía.

Historia

A primera puyada a traviés d'a vía d'o cuello de Swan, en 1885, representa una important calendata en a historia d'o pireneismo. O choven F.E.L. Swan, anglés a o servicio en os husars d'a Princesa de Galas y aficionau a la montanya (yera miembro d'o Club Alpín Francés) plega en os Pireneus. Poquet dimpués se fa amigo d'o conte Henry Russell. A qüestión de puyar ista vía encara anonima, bien visible dende Gavarnía, apareixe un tiempo dimpués. O 16 de setiembre de 1885, F.E.L. Swan, chunto a o guida Henri Passet, se lanza a l'asalto. Salioron arredol d'as siet d'o maitín enta o glaciar de Pailla. As dificultatz prencipioron ascape: habioron de pasar por una zona rocosa ta evitar una primera crepaza. Mas alto bi heba una atra gran crepaza que cortaba l'accesso a la vía, por o que habioron de baixar-ne y tornar a puyar-ie. En l'inte bi habió un lurte. As dificultaz s'acumulaban dende a salida. Henri Passet habio de tallar mas de 700 trangos en o liso chelo d'o glaciar. Arriboron a la fin a la cima orientala arredol d'as doce y meya. A baixada la facioron a traviés d'o collau d'Astazu.

En tornaus en Gavarnía, Swan s'encarranya prou debiu a las reflexions que siente, decindo que os Pireneus no ufren as mesmas dificultatz que os Alpes. A l'anyo siguient, acompanyau por Henri Passet, ferá chunto a Pierre Gaspard y os suyos fillos as puyadas a l'Aiguille du Plat, la Meije, Mont-Blanc y Dru occidental. Dimpués, atra vegada en os Pireneus, puyará a o Mallo de Marmorés y o pico Moros por a cara este. Swan declaró en rematar ista serie de puyadas:

O Dru ye infinitament mas perigloso que la Meije; encara que tanto Henri como yo somos convencius que ni o Dru, ni la Meije pueden, sisquiera, contimparar-se a la nuestra puyada l'anyo pasau a o Marmorés en as condicions en que lo faciemos.

Bibliografía

(fr) Henri Beraldi, Cent ans aux Pyrénées, Paris, 1898-1904, sept volumes in-8°. Rééditions par « Les Amis du Livre Pyrénéen », Pau, 1977, puis par la « Librairie des Pyrénées et de Gascogne », Pau, 2001
(fr) Robert Ollivier, Pyrénées centrales : Cauterets, Vignemale, Gavarnie, Guides Ollivier, FFM, GPHM, édition 1978.

Datos: Q2998828