Cruzada de Chaime I

De Biquipedia
Ir a la navegación Ir a la búsqueda
Cruzada de Chaime I
[[]]

Información cheneral
Calendata: 1269
Puesto: Sant Chuan d'Acre
Resultau: Redota d'a Corona d'Aragón
En conflicto
Siñal d'Aragón.svg Corona d'Aragón. Baibars Icon.png Dinastía ayyubí
Comandants
Siñal d'Aragón.svg Ferrando Sanchez de Castro
Siñal d'Aragón.svg Pero Ferrández d'Íxar
Baibars Icon.png Baybars I
Soldaus
2.500 hombres ?

A Cruzada de Chaime I estió una prebatina fracasada de cruzada en l'anyo 1269,[1] que habría estau a novena cruzada.

Chaime I d'Aragón yera en Toledo en nadal de l'anyo 1268 pa asistir a la primera misa de su fillo o infant Sancho d'Aragón, arcebispe d'esta ciudat y recibió una embaixada d'o Ilkhanato de Persia ninviada por Abaqa Khan, que li ofreixeba aduya en una expedición contra Tierra Santa que prochectaba o rei y en a que sería embrecau tamién o emperador de Romanya Miguel VIII Paleologo.

O 4 de setiembre de 1269 salió de Barcelona u estol de 30 naus grans y qualques galeras, con ueitocientos hombres trigaus, almogavars, templers, hespitalers y os fillos bordes d'o rei Ferrando Sanchez de Castro y Pero Ferrández d'Íxar, un exercito total de 2.500 hombres. A empresa estió un fracaso total por una tronada que obligó a la galera reyal a cubillar-se en Aigües Mortes, cerca de Montpeller, on o rei desembarcó y tornó por tierra a Catalunya mientres només que 11 naus consiguioron arribar a la fin a Sant Chuan d'Acre dirichidas por Ferrando Sánchez de Castro y Pero Ferrández d'Íxar. L'arribada de refuerzos cristians fue respuesta por o soldán Baybars I con un ataque sobre Acre que causó muitas baixas en os cruzaus.[2]

En o concilio de León d'el Roine de 1274, Chaime ofreixió agafar a cruz pero o suyo ofreiximiento no tenió acullida.

Referencias[editar | modificar o codigo]