Crono

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Crono armau con a falz contra su pai. (Aubin-Louis Millin, Galerie mythologique, 1811.)

Crono (en griego antigo Κρόνος Krónos, transliterau tamién Cronus y Kronos) yera, en a mitolochía griega, o lider y -en cualques mitos- o mas chóven d'a primera cheneración de Titans, descendients divins de Chea, a tierra, y Urán, o cielo. Crono derrocó a su pai y gubernó entre a mitolochica edat dorada, dica que fue derrocau por os suyos propios fillos, Zeus, Hades y Poseidón, y encerrau en o Tartaro u ninviau a gubernar o paraíso d'os Campos Elisios.[1]

Lo gosaban representar con una falz u dallo, que usó como arma ta castrar y destronar a su pai, Urán. En Atenas se celebraba o dotzeno día de cada mes (Hekatombaion) una fiesta dita Cronia en honor a Crono ta celebrar a cullita, sucherindo que, como resultau d'a suya relación con a virtuosa edat dorada, seguiba presidindo como patrón d'a cullita. Crono tamién fue identificau en a Antigüedat clasica con o dios romano Saturno.

Referencias[editar | modificar o codigo]

  1. Seguntes as Odas de Pindaro.