Corderero

De Biquipedia
Ir a la navegación Ir a la búsqueda
O chiquet pastor (Carlo Dalgas, 1840). Un zagal corderer, con o can d'aturar, debaixo d'un dolmen.

O corderero u corderer yera o pastor d'una companyía que se feba cargo d'os corders, típicament pastencos y anyals, que no podeban emprender viache transuant de camín ta la Tierra Plana, por estar encara masiau chovens u vulnerables.

Tradicionalment, yera o treballo que se mandaba fer a os ninos de menos de 10 anyos d'edat, que tampoco no podeban concarar-se con animals más grans, y constituiba muitas vegadas o primer contacto con o treballo con as uellas que teneban os futuros pastors. En o sistema tradicional altoaragonés, no yera raro que a partir d'os 10 anyos os zagals isen pastors en a transuancia, ya en a categoría de rapatans.

A la contra de como os rapatans, que iban en companyía con atros pastors más veteranos, os corderers treballaban quasi siempre solos u achuntando-se entre os d'un mesmo lugar, en o mont, y a soben teneban a misión de vechilar-se y cudiar es unos d'es atros. Os corderers feban un treballo por chornada, quasi siempre quedando-se a dormir en o lugar con as mullers y os agüelos, y chiraban a os animals de camín ta lugar en fer-se el tarde.

Se veiga tamién[editar | editar código]