Competición

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Una competición ye a practica d'un chuego que tiene como resultau una clasificación d'os participants, ganadors y bella mena de reconoixencia ta os millors, tal como un trofeu, premio economico u títol, en función d'o complimiento d'un obchectivo. Una competición se distingue d'o chuego practicau con una simpla finalidat recreyativa, a on no se determina garra obchectivo ni honor.

Cualques competicions requieren un numero elevau de trobadas u prebas, que se desembolican de traza contina entre toda una temporada (por un regular entre un anyo u semestre). En atros casos s'obtiene un ganador con o menor numero d'enfrontinamientos ta poder-lo desembolicar en un tiempo reduciu, u bien intercalaus con a competición regular prencipal a lo largo de toda a temporada. Una competición en solitario ye ixa en a cual un solo participant ha d'aconseguir bel obchectivo, sin a presencia de rivals.

Tipicament, as competicions las protagonizan personas. Cualques competicions, manimenos, exichen a utilización de vehíclos u animals, mientres que atras las reyalizan robots. Orichinalment, as competicions se fan dentro d'un espacio fisico. A partir d'o naiximiento d'os videochuegos, se pueden desembolicar competicions en espacios virtuals, por o cual pueden competir entre éls personas y sers artificials.

Diferents organizacions fan competicions oficials. Un eixemplo ye a Federación Internacional de Futbol Asociación (FIFA), que organiza a Copa Mundial de Futbol en a cual participan equipos nacionals de toda a planeta. As competicions organizadas van dende l'alta competición profesional dica as competicions semiprofesionals, universitarias y escolars.

Datos: Q13406554
Multimedia: Sports competitions / Q13406554