Competición

De Biquipedia
Ir ta: navego, busca
Gold piece.png
Iste articlo u sección ha menester d'un wikificato con un formato adecuato a lo manual d'estilo de Biquipedia.
Por favor, edita-lo ta cumplir con ellas. No borres iste aviso dica que no l'haigas feito. Colabora wikificando!

Una competición ye a practica d'un chuego que tiene como resultau una clasificación d'os participants, ganadors y bella mena de reconoixencia t'os millors, tal como un trofeu, premio economico u titol, en función d'o complimiento d'un obchectivo. Una competición se distingue d'o chuego practicau con una simpla finalidat recreyativa, a on no se determina garra obchectivo ni honor.

Qualques competicions requieren un numero elevau de trobadas u prebas, que se desembolican de traza contina entre toda una temporada (por un regular entre un anyo u semestre). En atros casos s'obtiene un ganador con o menor numero d'enfrontinamientos ta poder-lo desembolicar en un tiempo reduciu, u bien intercalaus con a competición regular prencipal a lo largo de toda a temporada. Una competición en solitario ye ixa en a qual un solo participant ha d'aconseguir bell obchectivo, sin a presencia de rivals.

Tipicament, as competicions las protagonizan personas. Qualques competicions, manimenos, exichen a utilización de vehíclos u animals, mientres que atras las realizan robots. Orichinalment, as competicions se fan dentro d'un espacio fisico. A partir d'o naiximiento d'os videochuegos, se pueden desembolicar competicions en espacios virtuals, por o qual puede conpetir entre ells personas y sers artificials.

Diferents organizacions fan competicions oficials. Un eixemplo ye a Federación Internacional de Futbol Asociación (FIFA), que organiza a Copa Mundial de Futbol en a qual participan equipos nacionals de toda a planeta. As competicions organizadas van dende l'alta competición profesional a las competicions semiprofesionals, universitarias y escolars.