Robot
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
Un robot ye un dispositivo mecatronico (ye decir, contruyito unindo mecanica, electronica y informatica) que s'emplega ta fer automaticament treballos periglosos, molestos u repetitivos ta estar feitos por humans u bien labors muit simplas pero que o robot fa millor que no las faría un humán. As zagueras cheneracions de robots son mesmo capables de tresladar-se y de recargar-se por sí mesmos.
Dende os anyos 1970 os robots s'emplegan masivament en bellas industrias, como ta la fabricación d'autos, a on s'emplegan ta pintar as carrocerías en un ambient d'ampla saturación de vapors con components toxicos. Dende ixe inte, a evolución d'as conoixencias en os campos d'a electronica y d'a informatica ha feito amanixer nuevas cheneracions de robots, que cada vegata fan labors mes complexas y con mayor autonomía.
A sciencia que estudeya os robots ye dita Robotica.
