Coccinellidae

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Cuquetas de Dios

Cuqueta de Dioz

Clasificación scientifica

Dominio:	Eukaryota
Reino:	Animalia
Filo:	Arthropoda
Clase:	Insecta
Orden:	Coleoptera
Suborden:	Polyphaga
Superfamilia:	Cucujoidea
Familia:	Coccinellidae

Sotzfamilias

Os coccinelidos (en nomenclatura scientifica y en latín, Coccinellidae) son una familia d'insectos adintro d'a orden d'os coleopteros (son escarabaixos). En aragonés, solen clamar-sen cuquetas de Dios/oz, cuquetas de Santa Catalina u simplamente Catalinas. O nombre «mariquita» que tamién se gosa sentir ye demanato con toda probabilidat d'o castellano, como tamién «marieta» en ye d'o catalán.

A distribución d'as cuquetas de Dioz ye global, podendo-se-ne trobar especies per tot o planeta treito d'os polos, y tot habendo-se-ne descritas bellas 4.500. Totas a cuquetas de Dioz gosan estar chiquetas, d'entre 1 y 10 mm de lonchitut, con colors bien bitariscas (de regular, con malletas negras sobre os elitros royos u naranchas) y nomás un par d'alass ta volar, que son cubillatas debaixo d'os elitros. A capeza y lo torax gosan estar negros, y las patetas, curtas y con colors diversas, siempre son foscas.

A suya alimentación, tanto en os adultos como en as larvas, ye quasi totalment alazetata en o polecón, que ne consumen as cucas en gran cantidat. En muitas culturas, per mor d'a suya alimentacion se's considera animalons beneficiosos ta l'agricultura y dica, en qualques puestos, sinyal de buena suerte.