Chesús Aranda Guerrero

De Biquipedia
Ir a la navegación Ir a la búsqueda
Chesús Aranda Guerrero
Información personal
Calendata de naixencia 1951
Puesto de naixencia Flag of Aragon.svg Aceret
Ocupación Economista y escritor
Obras Encantaria, Malinconía, Querenzias

Chesús Aranda Guerrero (Aceret, Zaragoza, 1951) naixió en a casa familiar d'o suyo güelo en a sala d'alto de dos aposientos, seguntes o costumbre d'antis, pero se crió en Ansó y en Urdués dica rematar os anyos d'escuela. Lugo marchó interno enta o seminario conciliar de Tarazona en do apercazó un lobable alazet de formación humanistica, plegando a leyer a os antigos poetas clasicos en latín y grego. Manimenos no continó con os estudios de letras sino que se'n fue ta Barzelona a estudiar economicas.

Comprometiu de cutio con a luenga aragonesa, ha feito part de distintas asociacions, mesmo o Consello d'a Fabla Aragonesa. A suyas obras, tanto de poesía como de prosa, son estadas gualardonadas con premios nacionals como o premio de poesía d'o concurso O Reino d'os Mallos en 2013 por a suya obra Encantaria, y en 2016 por Malinconía u l’áccesit d'o Xeno "Premio Literio Chusé Coarasa" por a suya novela Cornua Dextra.

Tamién ha reculliu una mención d'honor en o 62eno "Concurso Internacional de Poesía y Narrativa Ensamblando Palabras 2018" por as suyas obras Juego de estrellas, Tarde creativa y Décima a una rosa.

A suya primera obra, Querenzias, un conchunto de poemas, fue publicada en 2009 y gualardonada con o premio Ana Abarca de Bolea.