Chermanastro

O chermanastro (si ye muller chermanastra) ye o familiar d'una persona que ye fillo de a parella d'agora de su pai u de su mai, y no pas chermano de sangre, sino lo mas a sobén naixiu d'una relación anterior de a dita persona (o padrastro u a madrastra). S'entivoca a sobén con o meyo-chermano u meyo-chermana, que sí que tiene relación de sangre porque comparte un prochenitor.

En o dreito consuetudinario aragonés, os chermanastros d'un hereu teneban papels definius en as vodas de segundas nupcias feitas por casamiento en casa, y por capitulacions matrimonials soleban quedar fuera de l'herencio d'a casa t'an que iban a parar con su mai u su pai que se casaba, u tamién nomás podeban heredar si toda la familia de sangre que yera de a casa moriba sin mas descendencia. Asinas se miraba d'evitar que o conchuche forano acudise a la casa por interés d'a suya propia descendencia y se descuidase con os debers que heba contraiu con a nueva facienda, que se suposa que debeban pasar por debant d'os fillos que tenese d'antes.

Se veiga tamién

• Chermano.
• Primo.
• Madrastra y padrastro.
• Popillo.
• Afillau.

• Datos: Q110099449