Chermanastro

De Biquipedia
(Reendrezau dende Chermanastra)

O chermanastro[1] (femenino: chermanastra) ye o familiar d'una persona que ye fillo de a parella d'agora de su pai u de su mai, y no pas chermano de sangre, sino lo mas a sobén naixiu d'una relación anterior de a dita persona (o padrastro u a madrastra). S'entivoca a sobén con o meyo-chermano u meyo-chermana, que sí que tiene relación de sangre porque comparte un prochenitor.

En o dreito consuetudinario aragonés, os chermanastros d'un hereu teneban papels definius en as vodas de segundas nupcias feitas por Casamiento en Casa, y por capitulacions matrimonials soleban quedar fuera de l'herencio d'a casa t'an que iban a parar con su mai u su pai que se casaba, u tamién nomás podeban heredar si toda la familia de sangre que yera de a casa moriba sin mas descendencia. Asinas se miraba d'evitar que o conchuche forano acudise a la Casa por interés d'a suya propia descendencia y se descuidase con os debers que heba contraiu con a nueva facienda, que se suposa que debeban pasar por debant d'os fillos que tenese d'antes.

Referencias[editar | modificar o codigo]

  1. BADIA i MARGARIT, Antoni Maria, El habla del Valle de Bielsa (Pirineo aragonés). Edición d'Artur Quintana. Aladrada ediciones. Zaragoza, 2015. ISBN 978-84-944335-5-9

Se veiga tamién[editar | modificar o codigo]