Chang'e 4
| Chang'e 4 | |
|---|---|
 Chang'e 4. | |
Datos chenerals
| |
| Aplicación | Sonda espacial |
| Operadors |  CNSA
|
| Lanzamiento | 7 d'aviento de 2018 |
| Lanzador | Luenga Marcha 3B |
| Destín | Luna |
| Misión anterior | Chang'e 3 |
| Misión posterior | Chang'e 5 |
Chang'e 4 (en chinés simplificau 嫦娥四号, Cháng'é sìhào) ye una misión d'exploración lunar de China que incorpora un orbitador, un modulo de aterrizador robotico y un rover clamau Yutu-2.
A nau espacial leva lo nombre d'a diosa d'a Luna chinesa.
Chang'e 4 estió lanzada per un codete Luenga Marcha 3B lo 7 d'aviento de 2018. Dentró en orbita de aterrizache lo 30 d'aviento de 2018, aterrizando con exito en o crater Von Kármán lo 3 de chinero de 2019, estando lo primer alunizache en o costau amagau d'a Luna.
A causa que en a cara amagada d'a Luna las comunicacions son blocadas per a propia luna ye necesario l'orbitador Queqiao que fa de vinclo con a Tierra.
L'aterrizador Chang'e, de 1200 kg, desplegó 12 horas dimpués d'alucinar una rampa per a quala descendió lo rover Yutu-2 ("conillo de chade").
L'aterrizador poseye uns quantos experimentos: entre ells un radiotelescopio ta obserbacions astronomicas y un experimento clamato "Lunar Micro Ecosystem" que tracta de fer creixer simients de diversas plantas y uegos de cucos de seda. O 15 de chinero de 2019 s'ha anunciau que son creixendo as plantas de cotón.