Caixicar

De Biquipedia
(Reendrezato dende Caxigar)
Ir ta: navego, busca
Caixicar d'exemplars chóvens en Valderredible (Cantabria)

Caixicar u caixigar ye una selva a on l'estrato arborio lo forma una un més especies de caixico.

Lo que en aragonés se diz caixicar en conchunto, recibe diferents denominacions en atras luengas a on s'especifica lo concepto de caixico con parabras més variatas. Asinas por eixemplo en la zona de lo noreste de la Peninsula Iberica bi ha dos clases principals de caixicars:

Los segundos tienen un caracter submediterranio y gosan ocupar lo piso supramediterranio en las sierras y cordeleras a on puyando enta alto augmentan las precipitacions u humidat. Por ixo en lo Prepirineu (y tamién zonas de semontano) ocupan extensas arias dencima de lo nivel de los carrascals pero por debaixo de las pinedas naturals, fayars y abetosas.

Toponimia[editar | editar código]

Caixicar y caixigar amaneixen en l'Alto Aragón como macrotoponimos (Monesma y Caixigar) u microtoponimos. A parola caxigar ya se documenta en 1092 como elemento romanz de lo latín medieval escrito en Aragón:

et per capud de illas pennas de Argaste, per fundus de illo caxicar de Alquezar et vadit illa serra et exiit ad illo podio circa viam que currim ad castrum de Colunco...[1]

En aragonés medieval bi habió microtoponimos basatos en robre y no caxico (reboret < ROBURETUM).

En lo Sistema Iberico ocuporon extensas arias dica que en la Edat Meya empezipió un proceso de desforestación que duró dica lo sieglo XX. En castellán de bellas zonas de Teruel, un caixicar recibe huei lo nombre de rebollar, pero bi ha toponimos documentatos como caxigar en la Edat Meya como Cerro del Caxigar en Olalla y atros que son huei cajigar como en Cosa, u o caso de Val de Cebro a on se documenta un Caxigar de Valdezebro d'o sieglo XV y huei bi ha una partita dita Los Cajigares.

Referencias[editar | editar código]

  1. (es) María Rosa Fort Cañellas: Léxico romance en documentos medievales aragoneses: siglos XI y XII. Gobierno de Aragón, Departamento de Educación y Cultura, 1994, p 51