Catirón

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Cranio d'un hipopotamo, en o cual s'aprecian os suyos grans catirons.

Un catirón ye un dient prou largo de bels mamifers que sobresale cuan a boca ye zarrata. Emplegatos ta esfensar-se mas que t'atacar, os catirons, que una vegata estioron dients normals, s'han desarrollato con l'uso, convertindo-sen en un sinyal d'identidat ta os animals que los poseyen.

Bels eixemplos de mamifers vivents con catirons son l'elefant, o chabalín, o hipopotamo, a morsa y o narval, y entre os mamifers extintos se troban o mamut y o tigre de dients de sable.

Os dients que con o tiempo s'han convertito en catirons no son os mesmos en totas as especies d'animals: en l'elefant se tracta de dos incisivos superiors, en o chabalín son os canins inferiors, que son mas desarrollatos en os masclos adultos, en o hipopotamo son os canins superiors.

Os catirons s'emplegan ta producir vori, que s'usa en decoración y en choyería, y d'antis mas s'emplegaban tamién ta elaborar atros articlos, como teclas de piano. Ya que os animals con catirons son en periglo d'extinción (mas que mas l'elefant africano), o comercio con vori ye muit restrinchito por a Convención sobre o Comercio Internacional d'Especies Menazatas de Fauna y Flora Silvestres (CITIS) d'as Nacions Unidas. Se desconoixe si ista prohibición se debantará bel día.

Referencias

• Datos: Q185635
• Multimedia: Tusks / Q185635