Choyería

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Broche de Tara, arte celta irlandés de l'anyo 700, alto u baixo, en o Museu Nacional d'Irlanda.

A choyeria ye l'arte y oficio de treballar materials pa creyar choyas. Tamién ye l'obrador d'un choyero u a botiga a on se venden os productos. As choyas son obchectos ornamentals portaus por personas, por un regular feitas con chemmas y metals preciosos. Manimenos, as choyas pueden y han estau feitas de quasi qualsiquier tipo de material. Por un regular, quan no incluyen garra metal preciososo puro, chemmas nobles u atros materials preciosos u preciaus, o producto se diz bisutería, y puet estar d'alta calidat pero d'un pre más baixo.

Bellas culturas tienen o costumbre de guardar grans cantidatz de biens en forma de choyas. A choyería tamién puet estar simbolica, como en o caso d'os cristianos portiando un crucifixo en forma de choya u, en o caso de muitas culturas occidentals, os casaus levando un aniello de vodas.

As choyas en quantas formas han estau feitas y portiadas por os dos sexos en quasi todas (si no todas) as culturas d'a humanidat, en cadagún d'os continents. Os ornamentos personals pareixen estar una tendencia humana basica.

Materials y metodos[editar | modificar o codigo]

Una choya feita con diamants y un zafir

Una choyería

Chemmas preciosas, perlas, coral, piezas de vori, monedas u atros materials u obchectos preciaus pueden estar utilizaus, por un regular fixaus u mesos adintro de metals preciosos. Os metals más comuns utilizaus en choyería comprenden l'oro, l'archent y o platín. A mayoría d'aleyacions d'oro utilizadas en choyería varian entre 10K a 22K d'oro, mientres que as aleyacions de platín varian entre 900 (90% puro) y 950 (95,0% puro). L'archent utilizau en choyería ye a sobén archent de lei.

A chemmas comunas utilizadas incluyen diamants, rubís, zafirs, esmeraldas, amatistas y opalos.

Atros materials comuns utilizaus son o vidre, esmalte, fusta, a soben tallada; cascas y atras substancias animals naturals como uesos u vori; y archila natural u archilas plasticas, como o polimero d'archila.

As perlas son a sobén emplegadas en choyería. Pueden estar feitas de diferents substancias incluyindo vidre, chemmas, fusta, archila y polimero d'archila. Se gosan emplegar par fer collaretz, brazaleras, pendients,...

Disenyo, prototipau y fabricación de choyas[editar | modificar o codigo]

O disenyo de choyería ha teniu una revolución con as nuevas ainas CAD/CAM y con a popularización d'as maquinas de control numerico (CNC) y impresoras 3D. Os nuevos sistemas de disenyo y fabricación 3D permiten experimentar sin mugas, visualizar resultaus antis de producir, simular materials, creyar formas complexas, calcular pesos y coste, y en resumen, optimizar tot o proceso de conceptualización y reyalización de nuevas piezas.^[1]^[2]