Cancer Bats

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Cancer Bats
Cancer Bats
Nombre	{{{Nombre_de_naiximiento}}}
Embotada	{{{Alias}}}
Naixió	{{{Naiximiento}}}
Murió	{{{Muerte}}}
Información musical
Orichen	Toronto, Ontario, Canadá
Estilo	Hardcore punk, metalcore, southern metal, sludge metal
Ocupancia	{{{Ocupancia}}}
Instrumentos	{{{Instrumento}}}
Tiempo	2004 – present
Discograficas	Distort Entertainment, Roadrunner Records, Hassle Records, Good Fight Entertainment
Relacionau con	At the Mercy of Inspiration, Alexisonfire, Beastie Boys
Pachina web	www.cancerbats.com
Miembros
Liam Cormier Scott Middleton Mike Peters Jaye R. Schwarzer
Atros miembros
Jason Bailey (2006–2007) Andrew McCracken (2004–2006) Joel Bath (2004–2005)

Cancer Bats son un grupo de hardcore punk orichinarios de Toronto, Ontario, Canadá.^[1]

Biografía

Cancer Bats s'orichinó en mayo de 2004 con o cantaire Liam Cormier y o guitarrista Scott Middleton, antigo miembro d'o grupo de heavy metal de Toronto At The Mercy Of Inspiration.^[2] Toz dos quereban creyar un prochecto que combinase a musica de grupos que les feban goyo como Refused, Black Flag, Led Zeppelin u Down, entre atras. A primera formación se complegó con a plegata d'Andrew McCracken a o baixo y de Joel Bath a la batería. A suya primera maqueta, feita y distribuyita por éls mesmos amaneixió en chinero de 2005. Respective a o nombre d'o grupo, en primeras consideroron nombres como Cancer Bats y Pneumonia Hawk, ya que s'estimaban que a combinación d'un nombre d'animal y d'una malautía yera un buen nombre ta o suyo grupo.^[3] Poco dimpués, Mike Peters substituyó a Bath en a batería y o grupo prencipió a actuar por tot o sud d'Ontario, tanyendo en directo con grupos como Billy Talent, Every Time I Die, NORA, Alexisonfire, Haste the Day, It Dies Today, Bane, Comeback Kid, Buried Inside, Attack in Black, Misery Signals, This Is Hell, Rise Against, The Bronx y Gallows.

Liam Cormier con Cancer Bats en Barcelona en chunio de 2008

O 2 de chunio de 2006 o grupo fació una curta entrevista y gravó un CD gratuito que s'emitió en The Edge 102.1 (CFNY-FM). O día 6 d'ixe mesmo mes amaneixió que as prencipals botigas de discos Birthing The Giant, o suyo primer disco d'estudio. Lo disco incluye colaboracions vocals de George Pettit d'Alexisonfire. O 7 de chunio de 2006 facioron parti d'o All Things Rock, un programa de MTV Canadá, a on que apareixió un vidio d'éls a la fin d'o programa.^[4]

O baixista Andrew McCracken albandonó o grupo ta adedicar-se a la suya empresa de disenyo Doublenaut. O bueito fue plenato por Jason Bailey (Antigo miembro de grupos como Figure Four y Shattered Realm) mientres l'anyo 2007, dimpués fue substituyito por Jaye R. Schwarzer, que heba feito parti antis de Left Behind, Hope To Die, Minesweeper, Kover, y actualment de Reefer Cathedral chunto con o guitarrista de Cancer Bats Scott Middleton.

O grupo quitó o suyo segundo disco d'estudio dito Hail Destroyer o 22 d'abril de 2008. Entre os artistas colaboradors en o disco se troban Wade MacNeil d'Alexisonfire y Black Lungs, Tim McIlrath de Rise Against y Benjamin Kowalewicz de Billy Talent. A presentación se fació en o Mod Club, centrico local de Toronto, con o cantaire Liam Cormier, along with drumming with Black Lungs.

O 17 de mayo de 2008, Cancer Bats apareixioron en a portalada de Kerrang!, a on se parlaba d'o suyo disco Hail Destroyer y se feba un resumen d'a suya chira por o Reino Uniu. Cancer Bats fuoron nominatos en 2008 como Millor Disco de l'Anyo 2008 en os premios Kerrang!

Cancer Bats tanyoron en o Download Festival en 2007, Groezrock 2007 y en os Festivals de Reading y Leeds en 2007 y 2008. En verano de 2008, o grupo fació una chira de verano y agüerro con Bullet for My Valentine, Black Tide y Bleeding Through, como parti d'a chira musical No Fear por Norteamerica. Tamién en 2008 facioron de teloners d'o grupo galés Funeral for a Friend en a suya chira por Gran Bretanya y o norte d'Europa.

En marzo de 2009 facioron parti d'o festival anyal Taste of Chaos chunto a Thursday, Four Year Strong, Pierce The Veil y Bring Me The Horizon. Escribioron a mas un blog en a suya pachina web recontando belunas d'as suyas actuacions en os zaguers seis meses.

Antis d'a chira de marzo de 2009, Cancer Bats facioron parti d'o vidio musical de Bring Me The Horizon "Chelsea Smile" a on que amaneixen en una escena chugando a las cartas en una cocina.

Cancer Bats tornoron ta o Reino Uniu en 2009, encluso cuan o grupo sueco de metal In Flames heban cancelato os suyos conciertos ta abril de 2009, d'os que Cancer Bats feban parti como teloners.^[5]

En agosto de 2009 Cancer Bats tanyoron en o Sonisphere festival y en a devantadera d'o Hevy Music Festival l'1 d'agosto de 2009.

Liam Cormier fació parti en a gravación d'as voces d'o cuatreno disco d'estudio, A Shipwreck in the Sand, d'o grupo canadiense Silverstein, concretament en a canción "Vices". O grupo tamién particpó en a gravación d'o zaguer de Gallows con títol Grey Britain.

En 2009 Cancer Bats fació parti d'una serie documental dita City Sonic. A serie tracta sobre 20 artistas y grupos de Toronto.

En octubre y noviembre de 2009, a banda fació una chira como teloners de Billy Talent por Europa y o Reino Uniu. Mientres a chira tanyoron cuantas nuevas cancions d'o suyo zaguer disco, que encara no heba visto a luz, como Darkness^[6] y Scared to Death^[7]

O suyo zaguer disco amaneixe o 12 d'abril de 2010 y leva por títol Bears, Mayors, Scraps & Bones.^[8] En una entrevista ta a revista Rock Sound o grupo analizó o disco canción por canción.^[9]

En as gravacions ta o zaguer disco han feito tamién un cover d'a canción "Sabotage" de Beastie Boys.^[10]

O grupo ha estau telonera d'as chiras por Estaus Unius d'Anti-Flag y Aiden. A mas han feito chiras chunto con atros grupos canadienses como Billy Talent, Alexisonfire u o grupo americano Against Me! por tota a cheografía de Canadá.

En os zaguers tiempos han feito de teloners d'o grupo Bring Me The Horizon en a suya chira por o Reino Uniu chunto con Tek One.

Miembros d'o grupo

Colla actual

Liam Cormier - voz (2004–present)
Scott Middleton- guitarra (2004–present)
Mike Peters - batería (2005–present)
Jaye R. Schwarzer - baixo (2007–present)

Antigos miembros

Jason Bailey - baixo (2006–2007)
Andrew McCracken - baixo (2004–2006)
Joel Bath - batería, percusión (2004–2005)

Nominacions

En 2009, o grupo fue nominato a os Premios Juno como Nuevo Grupo de l'Anyo chunto con The Stills (que ganoron o premio), Beast, Crystal Castles, y Plants and Animals.

Discografía

Discos d'estudio

EPs

2005: Cancer Bats
2007: This Is Hell / Cancer Bats 7"
2009: Cancer Bats / Rolo Tomassi 7"^[11]
2009: Tour EP^[12]
2010: Sabotage EP^[13]

Cancions en discos de replega

2005: Distort Summer Sampler ("One Hundred Grand Canyon" and "Pneumonia Hawk")
2008: Distort Summer Sampler ("Hail Destroyer)
2009: Atticus...Dragging the lake ("Deathsmarch)
2010: Distort Spring Sampler ("Sabotage" and "Scared To Death")

Videografía

Cancer Bats a sobén gosan incluyir a amigos d'atros grupos, como Alexisonfire, en os suyos vidios musicals. Asinas, os miembros d'Alexisonfire George Pettit y Wade MacNeil facioron parti en as voces d'as cancions "Pneumonia Hawk" y "Deathsmarch" respectivament, y tamién apareixen en os vidios d'as cancions en as que i contribuyoron.

En os vidios "French Immersion" y "Pneumonia Hawk" feban a mofla a bellas cancions d'o disco "Dallas Green" de City and Colour.

Toz os vidios musicals han estau dirichitos por Marc Ricciardelli.

Hundred Grand Canyon (2006)
French Immersion (2006)
Pneumonia Hawk (2007)
Hail Destroyer (2008)
Lucifer's Rocking Chair (2008)
Deathsmarch (2009)
Sabotage (2010)
Dead Wrong (2010)
Scared To Death (2010)

Bels miembros de Cancer Bats tamién han apareixito en vidios musicals d'atros grupos como: "Hey, It's Your Funeral Mama" u "Waterwings" d'Alexisonfire, "Vices" de Silverstein, "Chelsea Smile" de Bring Me The Horizon y "St. Andrew's" de Bedouin Soundclash.

Entrevistas

(en) Cancer Bats are soft at heart - En Torontomusicscene.ca

Referencias

Vinclos externos

(en) Pachina oficial
(en) Facebook oficial
(en) Twitter oficial
(en) Myspace oficial
(en) Fast Fm oficial
(en) PureVolume oficial
(en) Foro oficial de Cancer Bats
(en) Fansite de Cancer Bats en o Reino Uniu
(en) City Sonic: Cinta de Cancer Bats

Datos: Q1032890
Multimedia: Cancer Bats / Q1032890

[1] (en) Web oficial de Cancer Bats

[2] (en) Alternative Press interview

[3] (en) BBC Radio 1 punk show 27th of May 2008

[4] (en) MTV overdrive page showing performance.

[5] (en) Kerrang! - In Flames cancel upcoming UK/Ireland tour

[6] (en) Nueva canción: Darkness

[7] (en) Nueva canción: Scared to Death

[8] (en) Entrevista con Cancer Bats

[9] (en) O zaguer disco de Cancer Bats canción por canción

[10] (en) Cancer Bats Film Video For Beastie Boys Cover

[11] (en) Limited Edition Cancer Bats/Rolo Tomassi Split 7" Announced

[12] (en) Cancer Bats Releasing Tour EP

[13] (en) Distort Releases: Sabotage EP

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]