Rise Against

De Biquipedia
[[{{{4|Wikipedia:Articlos destacaus|...]]
LinkFA-star Aragon.svg
Rise Against
O cantaire Tim McIlrath en a chira Warped Tour de 2006
O cantaire Tim McIlrath en a chira Warped Tour de 2006
Nombre {{{Nombre_de_naiximiento}}}
Embotada {{{Alias}}}
Naixió {{{Naiximiento}}}
Murió {{{Muerte}}}
Información musical
Orichen Chicago, Illinois, Estaus Unius Flag of the United States.svg
Estilo Punk rock, hardcore punk, melodic hardcore
Ocupancia {{{Ocupancia}}}
Instrumentos {{{Instrumento}}}
Tiempo 1988 – 1989
1993 – present
Discograficas Fat Wreck Chords, Geffen, Interscope
Relacionau con 88 Fingers Louie, Arma Angelus, Baxter, The Honor System, The Killing Tree
Pachina web www.riseagainst.com
Miembros
Tim McIlrath
Joe Principe
Brandon Barnes
Zach Blair
Atros miembros
Toni Tintari
Mr. Precision
Todd Mohney
Chris Chasse

Rise Against ye un grupo estausunidense de punk rock orichinaria de Chicago, Illinois, establita en 1999. O grupo ye formato actualment por Tim McIlrath (cantaire y guitarra ritmica), Zach Blair (guitarra líder y coros), Joe Principe (baixista, coros) y Brandon Barnes (batería y percusión).

Mientres os suyos primers cinco anyos d'existencia sinyoron un contrato con a discografica independient Fat Wreck Chords, con a que quitoron dos discos d'estudio, The Unraveling (2001) y Revolutions per Minute (2003). Os dos tenioron prou exito y asinas en 2003, a banda sinyó un nuevo contracto con una gran discografica, Geffen.

L'álbum debut d'o grupo con una discografica gran, Siren Song of the Counter Culture, levó a lo grupo por o camín d'o exito, tenendo bellas cancions d'exito. O quatreno álbum d'estudio, The Sufferer & the Witness, debutó en o numero diez d'a Billboard 200 chart y recibió sobrebuenas criticas. O cinqueno álbum d'estudio d'o grupo, Appeal to Reason, amaneixió o 7 d'octubre de 2008 y debutó en o numero tres d'a Billboard 200 chart. Os tres álbums que quitoron con Geffen obtenioron a certificación de disco de platino en Canadá y d'oro en os Estaus Unius. Os miembros d'o grupo refirman os dreitos d'os animals y a PETA, l'asociación en esfensa d'istos, siguen a filosofía straight edge y son veganos (fueras de Barnes).

Historia[editar | modificar o codigo]

Os anyos independients (1999–2003)[editar | modificar o codigo]

Joe Principe

Rise Against fue formata con o nombre de "Transistor Revolt"[1] en 1999 por os antigos miembros d'as grupos 88 Fingers Louie y Baxter.[2] A primera formación d'o grupo teneba a Tim McIlrath (voz), Joe Principe (baixo y voz), Toni Tintari (batería), y Mr. Precision (guitarra y voz). A tamas de que o grupo nunca no actuó en directo con ista formación, si que quitó una maqueta producita por els mesmos y dita Transistor Revolt en 2000, un anyo antis de sinyar un contracto con Fat Wreck Chords. Tintari deixó o grupo poco dimpués d'a gravación, y fue sustituyito Brandon Barnes, dimpués d'un curtet periodo de tiempo con Dan Lumley de Screeching Weasel y Squirtgun como batería.

O grupo cambeó o suyo nombre a "Rise Against" en 2001 y quitó o suyo primer álbum, The Unraveling (producito por o veterano productor punk Mass Giorgini) en Fat Wreck Chords ixe mesmo anyo.[3] Mr. Precision left the band in 2001, and was replaced by Todd Mohney.[1]

Dimpués d'una chira de presentación de The Unraveling, o grupo tornó a o estudio en aviento de 2002 ta treballar en o suyo segundo álbum, Revolutions per Minute (producito por Bill Stevenson y Jason Livermore en The Blasting Room),[2][3] que amaneixió en 2003. O grupo fació una chira en a que presentó os suyos dos discos, actuando como teloners de Sick of It All, NOFX, Agnostic Front, No Use for a Name,[4] AFI, y Strung Out. A mas, Rise Against participó en o Warped Tour de 2003.[5]

Siren Song of the Counter Culture (2004–2005)[editar | modificar o codigo]

Tim McIlrath

Rise Against sinyó con Dreamworks Records en aviento de 2003 y gravó o suyo tercer álbum Siren Song of the Counter Culture, en 2004.[3] Poco dimpués Dreamworks fue absorbita por Universal Music Group, y Rise Against cambeó de discografica a Geffen Records, una interpresa tamién propiedat de Universal Music Group. Un poquet dimpués, Mohney deixaba o grupo y yera reemplazato por o guitarrista Chris Chasse. Rise Against quitó l'álbum Siren Song of the Counter Culture en agosto de 2004 con Geffen Records. L'álbum, amás d'estar o primero d'o grupo con una gran discografica, estió o primero en dentrar en a lista Billboard 200[2] and was certified gold by the Recording Industry Association of America (RIAA).[6] As criticas de l'álbum estioron por un regular positivas, pero tamién bi'n habió de negativas por o suyo sonito más comercial y melodico en comparanza con os anteriors treballos de Rise Against. Dimpués d'a suya puntuación de 3 estrelas sobre 5, Johnny Loftus de Allmusic comentó que:

"Siren Song of the Counter Culture a vegatas entusiasma con as suyas prebatinas melodicas".

Manimenos, dició que:

"Se puet deber a que ye o primer álbum d'o grupo con una gran discografica, "talment o sonito potent y as incursions ocasionals en guitarras acusticas y cellos... son bien."[7]

Rise Against fació una chira por Norteamerica, Europa, Australia, y Chapón presentando Siren Song of the Counter Culture.[8] Bell unas d'as actuacions mas notables incluyen a primera chira internacional Taste of Chaos en 2005 (con Funeral for a Friend, Story of the Year, The Used, y Killswitch Engage),[3][9] una chira mundial por o Reino Uniu, Alemanya, Australia, y Chapón, a chira Give It a Name por o Reino Uniu, o Reading Festival y o Leeds Festival en o Reino Uniu, una chira por os Estaus Unius con Alkaline Trio, y o Warped Tour en Norteamerica.

The Sufferer & the Witness (2006–2007)[editar | modificar o codigo]

Zach Blair y Tim McIlrath

En chinero de 2006, dimpués d'una chira de presentación de Siren Song of the Counter Culture, Rise Against gravó o suyo quatreno álbum d'estudio en Blasting Room en Fort Collins, Colorado con Bill Stevenson y Jason Livermore como productors.[10][11] Mezclato por Chris Lord-Alge en Resonate Sound en Burbank, California,[11] The Sufferer & the Witness amaneixió o 4 de chulio de 2006.[12] L'álbum puyo dica o numero 10 en as listas Billboard 200 d'Estaus Unius, vendendo 48.397 copias en as suyas primeras semanas;[13] fue certificato como disco d'oro por a RIAA en 2008.[6] O periodico The Age dició sobre The Sufferer & the Witness, que o grupo "tornaba a las suyas radices punk."[14] Amás de conseguir os suyos millors resultatos en as listas d'exitos y en cifras de venta, l'álbum tenió buenas criticas. Corey Apar de Allmusic, en a suya critica de l'álbum de 4 estrelas sobre 5, dició:

"A bravura interior d'o grupo sale con acierto en meyo d'emocionants parolas de coro y punyo entalto."

y tamién comentó que:

"Rise Against contina enfrontinando queixas politicas y personals a o ritmo de guitarras rapedas y dinamicas, ritmos asertivos, y a voz crebata de Tim McIlrath's."[15]

D'atra man, Christine Leonard de Fast Forward Weekly dició d'o grupo que:

"Tornan a os suyos orichens d'a viella escuela con a intensidat fura d'os ladriellos", "con a mesma rapideza pierden o enfoque con un esfuerzo qüestionable como por eixemplo en 'Worth Dying For' u 'Prayer of the Refugee.'"[16]

O DVD titulato Generation Lost amaneixió o 5 d'aviento de 2006 ta promocionar a lo grupo y o suyo nuevo disco. Contiene un documental sobre a carrera de cadagún d'os miembros d'o grupo, asinas como videos d'actuacions en directo y making-ofs d'os videoclips.[17] Rise Against fació una chira presentando The Sufferer & the Witness en a segunda metat de 2006 y en 2007. O grupo estió una d'as cabezas de cartel en o Warped Tour 2006.[18] En zaguerías de 2006, facioron una chira chunto a Thursday que encluyiba actuacions de Circa Survive y Billy Talent.[19] En primerías de 2007, estioron teloners de My Chemical Romance en a primera metat d'a suya chira.[20] O 23 de febrero de 2007, Rise Against anunció a salita d'o guitarrista Chris Chasse en a suya pachina web oficial.[21] Chasse fue sustituyito por o suyo amigo Zach Blair de Only Crime.[22] O 15 de chunio de 2007, o grupo prencipió con a suya primera chira oficial como grupo prencipal con o disco The Sufferer & the Witness; estió una chira por Norteamerica que duró mientres totz os meses de verano.[23] Mientres ista chira, o 3 de chulio de 2007, Rise Against quitó un EP en Canada titulato This Is Noise, que amaneixería en Estaus Unius o 15 de chinero de 2008.

Appeal to Reason (2008–2010)[editar | modificar o codigo]

Rise Against actuando en directo en San Juan Hill, Nueva York o 14 d'octubre de 2008

Rise Against fació parti d'o 16eno KROQ Weenie Roast o 17 de mayo en Irvine, California, y d'o 6eno Download Festival o 13 de chunio en Donington Park, Anglaterra. Tamién tanyoron en o Greenfield Festival en Suiza y en o Hurricane Festival y o Southside Festival en Alemanya.[24][25] Como en atros anyos anteriors, o grupo fació parti d'o Warped Tour, a tamas de que decidioron actuar en a costa ueste nomás entre o 6 y o 17 d'agosto.[26]

O cinqueno álbum d'estudio de Rise Against, Appeal to Reason, amaneixió o 4 d'octubre en Australia, o 6 d'octubre en Europa, y o 7 d'octubre en os Estaus Unius. Se vendioron 64.700 copias d'o disco en a suya primera semana gosando estar o numero tres en a lista Billboard 200 d'Estaus Unius,[27] estando o disco de Rise Against con millor posición en listas dica hue. Appeal to Reason tenió por un regular buenas criticas. Manimenos, os creticos no lo situoron por dencima de The Sufferer & the Witness, mas que mas afirmando que s'amanaba una mica a la musica comercial y s'aleixaba mas d'o hardcore punk. Marc Weingarten de Entertainment Weekly, que puntuó o disco con un C+, dició que ye pleno de:

"himnos de protesta que s'inclinan mas enta l'angunia "goyosa" de grupos como New Found Glory y Fall Out Boy que a la chenuina indignación intelichent de Green Day"

y que as cancions son:

"plenas de vida, pero prou vuedas, acordes potents y calmudos con poco mueso."[28]

Kyle Anderson de Rolling Stone afirmó sobre as cancions de Appeal to Reason

"son portiatas por una contina sensibilidat de corte pop."

Y tamién dició que:

"Rise Against podría estar niervuda por deixar entazaga a scena underground, pero con cancions como istas, ells plegarán a la resta d'o mundo."[29]

Dos cancions nuevas d'o disco Appeal to Reason gravatas con Fat Wreck Chords amaneixioron o 12 de mayo de 2009.[30] S'encluyiban tamién as cancions Grammatizator y Voice of Dissent y amaneixioron en un vinilo de 7 pulgadas, con 1010 copias feitas en vinilo de colors y bellas 4008 en vinilo negro.

Rise Against prencipió una chira por Norteamerica con Rancid, Billy Talent, Killswitch Engage, y Riverboat Gamblers en chunio y chulio de 2009.[31] Facioron una chicota chira por o Reino Uniu en noviembre, con os grupos Thursday y Poison the Well como teloners.[32] O grupo tamién actuó en o KROQ's Almost Acoustic Christmas en aviento de 2009, tanyendo chusto debant d'AFI. O grupo quitará un disco conchunto con Face to Face, encara que no han fixato una calendata.[33] Dimpués de rematar una chira europea entre octubre y noviembre de 2009, una australiana en chinero y febrero de 2010 y una chira europea de verano, Rise Against prencipiará a gravar en agüerro de 2010.[34] Tamién ye confirmato que Rise Against actuarán como teloners de Green Day en Mainz, Alemanya[35]

Endgame (2010–present)[editar | modificar o codigo]

Concierto de Rise Against

O 14 de setiembre de 2010, seguntes o guitarrista Zach Blair, Rise Against precipia en the Blasting Room (Fort Collins, Colorado) con a gravación d'o suyo seiseno álbum d'estudio que amaneixerá en 2011. En o zaguer DVD de Rise Against, Another Station: Another Mile, bi ha eixemplos de posibles cancions que podrían apareixen en iste nuevo disco.[36] Por ixas envueltas Rise Against anuncia dos conciertos en Sudamentica, uno en Brasil y un atro en Argentina, y una chira de conciertos por Europa ta os meses de febrero y marzo de respectivament.[37]

Rise Against remata con a gravación d'o suyo seiseno álbum d'estudio, Endgame, en chinero de 2011, dimpués de gravar bellas colaboracions vocals ta o disco. As cancions d'iste álbum se centran en eventos reals, como l'huracán Katrina u o escape de petrolio en o golfo de Mexico.[38] Seguntes o propio McIlrath, encara que as parolas parlan sobre desastres, ells en realidat miran de trobar un punto d'anvista positivo y escribir dende ixa perspectiva[39] O 12 de chinero de 2011, Rise Against anunció a calendata en que saldría Endgame, o 15 de marzo de 2011.[40] Encara que Spin Magazine etiquetó Endgame como un álbum conceptual, o 7 de chinero de 2011, McIlrath twiteyó un mensache ta decir que "o disco no ye un álbum conceptual y, no pasa cosa, no tien cosa a veyer con Dixie Chicks."[41] O primer single de l'álbum, "Help Is on the Way", apareixió por primera vegada en a radio KROQ o 17 de chinero. Una segunda canción de l'álbum, "Architects", apareixió tamién en formato dichital o día 15 de febrero d'o mesmo anyo. Como parti d'a promoción d'o disco, o grupo s'embarca en una curta chira por Sudamerica en febrero y dimpués por atra chira d'un mes de durada por Europa en marzo. En tornar ta os Estaus Unius, s'anuncia una nueva chira de primavera por os Estaus Unius chunto a Bad Religion y Four Year Strong.

D'o disco Endgame se puet destacar que ye o primer álbum en que Rise Against se posiciona clarament contra a homofobia con a tercera canción de l'álbum, "Make It Stop (September's Children),"[42] que fa referencia a os suicidios entre adolescents pertenecients a la comunidat LGBT, mas que mas parlando d'os casos de Tyler Clementi, Billy Lucas, Harrison Chase Brown, Cody J. Barker, y Seth Walsh.

O 10 de mayo de 2011, Rise Against quita un vinilo 7" chunto con o grupo de punk Face to Face. Iste 7" incluye 2 nuevas cancions, en as que cadagún d'os grupos fa una versión d'una canción de l'atra.[43][44]

En agosto de 2011, Rise Against actuará en os festivals de Reading y Leeds presentando o nuevo disco.[45]

Politica y etica[editar | modificar o codigo]

En concierto en Cleveland

Totz os miembros d'o grupo son vechetarians y miembros activos de PETA, y diferents organizacions d'esfensa d'os dreitos d'os animals.[46] En o video d'o single "Ready to Fall" apareixen imachens de granchas de procesamiento d'animals, rodeos, cazata y tamién de temas como a deforestación, o deschelo d'os casquetz polars y os incendios forestals. Seguntes o propio grupo iste ha estau o video más important que nunca no han feito.[47] A versión comentata por o director amaneixió en a pachina web de PETA.[48] En 2009, o grupo fue trigato como a "Grupo más en favor d'os animals" por PETA.[49] Amás d'estar estrictament vechetarians, totz os miembros de Rise Against, fueras d'o batería Brandon Barnes, siguen a filosofía straight edge, abstenendo-se d'o consumo d'alcohol y drogas.[50]

A mas de refirmar os dreitos d'os animals, o grupo ye conoixita por emparar atras causas politicas liberals. Asinas mientres as eleccions presidencials d'Estaus Unius de l'anyo 2004, o grupo fació parti d'o grupo activista Punkvoter,[51] y una d'as suyas cancions apareixió en o disco Rock Against Bush, Vol. 1. Mientres as eleccions presidencials estausunidenses de 2008 refirmoron a Barack Obama.[52] En una revista en primiería de l'anyo 2009, o grupo declaró:

"Bi ha poquetas cosas más emocionants que veyer como a la fin Bush libera a os Estaus Unius d'os suyo cautiverio de ueito anyatas."[53]

Bordeguins Vans[editar | modificar o codigo]

O 23 de mayo de 2007 Rise Against anunció que levarian oficialment bordeguins d'a marca Vans en estar d'alcuerdo con a suya "filosofía d'o veganismo y fer esfuerzos por as esfensa d'os dreitos animals".[54] En respuesta a las creixients criticas a Vans por o emplego de talles de treballo esclau, Rise Against quitó un comunicato ta referir-se a l'afer en o suyo MySpace oficial y a suya pachina web decindo,

Nomás queremos fer publica ista chicota nota ta referir-nos a os nuestros bordeguins oficials. Totz os bordeguins VANS, incluyindo a linia RISE AGAINST VEGAN son feitos en fabricas que cumplen regles estrictos ta a protección d'os treballadors en o proceso de producción. O dreito a una compensación chusta, o dreito a asociar.se librement y negociar colectivament, o dreito a o treballo libre de discriminación y acoso, y o dreito a un puesto de treballo limpio y seguro se troban entre as muitas directrices con as que VANS y as fabricas que producen VANS se comprometen. Somos argüellosos de treballar con una companyía progresista y lechendaria.[55]

Estilo musical y influencias[editar | modificar o codigo]

O estilo musical de Rise Against ha estau descrito por muitos creticos como hardcore punk,[56][57][58] melodic hardcore,[59][60][61] u punk rock.[62][63] O grupo cita a sobén a numerosos grupos punk y hardcore como influencias d'a suya musica. En 2004, o batería Brandon Barnes dició:

"Estoi que hemos tenito muitas influencias diferents dende o hardcore como Cave In, dica grupos punk como Face to Face, Screeching Weasel, y Down By Law."[64]

En 2006, Tim McIlrath dició sobre o estilo musical d'o grupo:

"Nusatros imitamos a Minor Threat y Black Flag. Qui sabe, talment si Ian MacKaye se pintase os uellos yo tamién lo feriá."[65]

Atros grupos que han enfluyito en Rise Against incluyen a Descendents,[65] Dead Kennedys,[65] Refused,[64] y Bad Religion.[64]

Miembros d'o grupo[editar | modificar o codigo]

Miembros actuals
Antigos miembros
  • Toni Tintari – batería (1999–2000) (nomás en Transistor Revolt)
  • Mr. Precision (Dan Wleklinski) – guitarra líder, coros (1999–2002)
  • Todd Mohney – guitarra líder, coros (2002–2004)
  • Chris Chasse – guitarra líder, coros (2004–2007)

Linia temporal[editar | modificar o codigo]

Discografía[editar | modificar o codigo]

Premios y nominacions[editar | modificar o codigo]

Anyo Canción Premio Resultato
2006 "Ready to Fall" MTVu Good Woodie Award Nominato[66]
2008 "Rise Against" Top In Rock Award Ganador
2009 "Rise Against" Millor colla amiga d'os animals (PETA) Ganador
2009 "Re-Education (Through Labor)" MuchMusic Video Award Nominato

Referencias[editar | modificar o codigo]

  1. ↑ 1,0 1,1 (en) Larkin, Colin. "Rise Against Biography". Oldies.com. http://www.oldies.com/artist-biography/Rise-Against.html. Retrieved 2009-03-21. 
  2. ↑ 2,0 2,1 2,2 (en) Loftus, Johnny. "allmusic ((( Rise Against > Biography )))". Allmusic. http://www.allmusic.com/artist/p479363. Retrieved 2009-03-21. 
  3. ↑ 3,0 3,1 3,2 3,3 (en) Sharpe-Young, Garry (2005). New Wave of American Heavy Metal. Zonda Books Limited, 252–253.
  4. ↑ (en) Despres, Shawn (June 2, 2003). "No Use for a Name + Anti-Flag + Rise Against". PopMatters. http://www.popmatters.com/music/concerts/n/no-use-for-a-name-030602.shtml. Retrieved 2009-03-23. 
  5. ↑ (en) Kaufman, Gil (June 27, 2003). "Warped Tour: Not a Cheesy Affair". MTV News (MTV Networks). http://www.mtv.com/news/articles/1473422/20030627/simple_plan.jhtml?headlines=true. Retrieved April 28, 2009. 
  6. ↑ 6,0 6,1 (en) "Billboard.com - Charts - Hits of the Web". Billboard. March 10, 2009. http://www.billboard.com/bbcom/riaa/index.jsp. Retrieved 2009-03-21. 
  7. ↑ (en) Loftus, Johnny. "allmusic ((( Siren Song of the Counter Culture > Review )))". Allmusic. http://www.allmusic.com/album/r702913. Retrieved 2009-03-23. 
  8. ↑ (en) Arndt, Jaclyn (December 10, 2004). "Rise Against Return to Canada". Soul Shine Magazine. http://www.soulshine.ca/news/newsarticle.php?nid=1391. Retrieved 2009-03-21. 
  9. ↑ (en) Boulton, Martin (October 24, 2005). "Taste of Chaos". The Sydney Morning Herald. http://www.smh.com.au/news/cd--gig-reviews/taste-of-chaos/2005/10/24/1130006033492.html. Retrieved 2009-03-21. 
  10. ↑ (en) Koczan, JJ (July 5, 2006). "Rise Against: Interview with Tim McIlrath". The Aquarian Weekly. http://www.theaquarian.com/aq/2006/07/05/rise-against-interview-with-tim-mcilrath/. Retrieved 2009-06-18. 
  11. ↑ 11,0 11,1 (en) "Rise Against finishes mixing, promises no acoustic guitars, surprises for next album". Punknews.org. April 19, 2006. http://www.punknews.org/article/16966. Retrieved 2009-03-22. 
  12. ↑ "Altsounds.com Reviews". Altsounds.com. June 27, 2006. http://hangout.altsounds.com/reviews/72675-rise-against-the-sufferer-and-the-witness.html. Retrieved 2009-03-22. 
  13. ↑ (en) "Chicago Punk Rockers Rise Against Score #10 Best Selling New Album in America.". PR Newswire. July 12, 2006. Archived from the original on 2012-05-30. https://archive.is/O3TT. Retrieved 2009-03-22. 
  14. ↑ (en) Murfett, Andrew (December 1, 2006). "Politically motivated". The Age. http://www.theage.com.au/news/music/politically-motivated/2006/11/30/1164777702584.html. Retrieved 2009-03-22. 
  15. ↑ (en) Apar, Corey. "allmusic ((( The Sufferer & the Witness > Overview )))". Allmusic. http://www.allmusic.com/album/r840650. Retrieved 2009-03-22. 
  16. ↑ (en) Leonard, Christine (August 17, 2006). "CD REVIEW". Fast Forward Weekly 11 (36). http://www.ffwdweekly.com/Issues/2006/0817/cd9.htm. Retrieved 2009-03-22. 
  17. ↑ (en) Orzeck, Kurt (December 5, 2006). "New Releases: Gwen, Ciara, Eminem's Mixtape, Black Eyed Peas & More". MTV. http://www.mtv.com/news/articles/1547230/20061204/stefani_gwen.jhtml. Retrieved 2009-03-22. 
  18. ↑ (en) Bronson, Kevin (May 18, 2006). "Still finding things to get angry about". Los Angeles Times. http://pqasb.pqarchiver.com/latimes/access/1038270551.html?dids=1038270551:1038270551&FMT=ABS&FMTS=ABS:FT&date=May+18%2C+2006&author=Kevin+Bronson&pub=Los+Angeles+Times&desc=Still+finding+things+to+get+angry+about&pqatl=google. Retrieved 2009-03-22. 
  19. ↑ (en) "Punk show headliners choose diverse routes". Telegram & Gazette. November 20, 2006. http://nl.newsbank.com/nl-search/we/Archives?p_product=WO&p_theme=wo&p_action=search&p_maxdocs=200&p_topdoc=1&p_text_direct-0=1158C99BF154C8C0&p_field_direct-0=document_id&p_perpage=10&p_sort=YMD_date:D&s_trackval=GooglePM. Retrieved 2009-03-22. 
  20. ↑ (en) Harris, Chris (December 18, 2006). "The Parade Begins: My Chemical Romance Announce U.S. Tour Dates". MTV. http://www.mtv.com/news/articles/1548357/20061218/my_chemical_romance.jhtml. Retrieved 2009-03-22. 
  21. ↑ (en) "Parting is such sweet sorrow...". RiseAgainst.com. February 21, 2007. http://riseagainst.com/blog/default.aspx?nid=18189. Retrieved 2009-06-18. 
  22. ↑ (en) Heisel, Scott (February 22, 2007). "Chris Chasse leaves Rise Against, replaced by Zach Blair". Alternative Press. http://www.altpress.com/news/1803.htm. Retrieved 2009-06-18. 
  23. ↑ "Rise Against begins mapping out North American tour". The Rock Radio. March 28, 2007. http://www.therockradio.com/2007/03/rise-against-begins-mapping-out-north.html. Retrieved 2009-03-22. 
  24. ↑ (en) "Rise Against Announce Short European Tour". Punknews.org. February 11, 2008. http://www.ultimate-guitar.com/news/upcoming_tours/rise_against_announce_short_european_tour.html. Retrieved 2008-02-13. 
  25. ↑ (en) "Rise Against (European festivals, Warped Tour announcenment)". Punknews.org. February 13, 2008. http://www.punknews.org/article/27714. Retrieved 2008-02-13. 
  26. ↑ (en) "Rise Against announce Warped Tour dates". Punknews.org. February 22, 2008. http://www.punknews.org/article/27820. Retrieved 2008-02-23. 
  27. ↑ (en) Harris, Chris (October 15, 2008). "T.I. Continues to Rule The Charts With Paper Trail". MTV. http://www.mtv.com/news/articles/1597101/20081015/t_i_.jhtml. Retrieved 2009-04-20. 
  28. ↑ (en) Weingarten, Marc (October 1, 2008). "Appeal to Reason". Entertainment Weekly. http://www.ew.com/ew/article/0,,20230088,00.html. Retrieved 2009-03-30. 
  29. ↑ (en) Anderson, Kyle (October 16, 2008). "Appeal to Reason : Rise Against : Review : Rolling Stone". Rolling Stone. http://www.rollingstone.com/reviews/album/23226244/review/23306227/appeal_to_reason. Retrieved 2009-03-30. 
  30. ↑ (en) "Rise Against :: Self Titled". fat Wreck Chords. July 02, 2010. http://www.fatwreck.com/record/detail/234. Retrieved 2010-07-02. 
  31. ↑ (en) "Rise Against and Rancid Will Storm North America During Summer". Noise Press. February 26, 2009. http://www.noisepress.com/2009/02/rise-against-and-rancid-will-storm.html. Retrieved 2009-03-30. 
  32. ↑ (en) "Rise Against, Thursday, Poison The Well tour at Brixton Academy (UK)". Lambgoat. May 11, 2009. http://www.lambgoat.com/news/view.aspx?id=12713. Retrieved 2009-06-07. 
  33. ↑ (en) "Face to Face / Rise Against Split". Noise Press. Retrieved on 2009-04-21
  34. ↑ (en) "Interview". Live Dome. August 21, 2009. http://kunden.wundermedia.de/livedome/player/demos/121/livedome.com/index.html?portal=livedome.com#. Retrieved 2009-09-05. 
  35. ↑ (en) http://www.greendayauthority.com/news/310/
  36. ↑ (en) k0linn (September 13, 2010). "Rise Against enter the studio to record next album". Punknews.org. http://www.punknews.org/article/39782. Retrieved September 14, 2010. 
  37. ↑ (en) "Rise Against (Brazil, Argentina, Europe)". Punknews.org. 2010-12-03. http://www.punknews.org/article/40815. Retrieved 2010-12-22. 
  38. ↑ (en) "[World Premiere Rise Against "Help Is On The Way" From Endgame"]. KROQ. December 22, 2010. http://kroq.radio.com/2011/01/17/world-premiere-rise-against-help-is-on-the-way-from-forthcoming-album/. Retrieved January 22, 2011. 
  39. ↑ 39,0 39,1 O'Donnell, Kevin (December 22, 2010). "First Look at Rise Against's Upcoming Album". Spin. http://www.spin.com/articles/first-look-rise-againsts-upcoming-album. Retrieved December 22, 2010. 
  40. ↑ "Rise Against : News : Endgame". Interscope. January 12, 2011. http://interscope.com/artist/news/default.aspx?nid=33184&aid=1017. Retrieved January 12, 2011. 
  41. ↑ "Rise Against: Tim responds to spin.com article:'So, the record is not a concept record and, fret not, has absolutely nothing to do with the Dixie Chicks.'". January 7, 2011. http://twitter.com/riseagainst/status/23485640905588736. Retrieved January 11, 2011. 
  42. ↑ "Rise Against, 'Endgame'". The Boston Globe. 14 March 2011. http://www.boston.com/ae/music/cd_reviews/articles/2011/03/14/rise_against_endgame/. Retrieved 26 March 2011. 
  43. ↑ http://folsomrecords.bigcartel.com/product/rise-against-face-to-face-split-side-7-vinyl
  44. ↑ https://web.archive.org/web/20110928184002/http://www.riseagainst.com/news/default.aspx?nid=35046
  45. ↑ (en) Rise Against en Reading y Leeds
  46. ↑ (en) "PETA2 // Out There // Rise Against". PETA. http://www.peta2.com/outthere/o-riseagainst.asp. Retrieved 2009-03-21. 
  47. ↑ (en) "Rise Against : Now Playing : Ready To Fall". June 16, 2006. http://www.riseagainst.com/player/default.aspx?mid=3460. Retrieved 2009-03-21. 
  48. ↑ (en) "Too Graphic for TV—Rise Against Video". PETA. http://www.peta2.com/outthere/o-riseagainst_video.asp. Retrieved 2009-03-21. 
  49. ↑ (en) Sanders, Lara (February 17, 2009). "Animal-Friendly Recording Artists, Record Label Strike the Right Chord With Young Activists". PETA. http://www.peta.org/mc/NewsItem.asp?id=12668. Retrieved 2009-03-06. 
  50. ↑ (en) Munro, Kelsey (November 28, 2006). "Rise Against prove you can be vegetarian and hardcore". The Age. http://www.theage.com.au/news/gig-previews--reviews/rise-against/2006/11/28/1164476174601.html. Retrieved 2009-03-31. 
  51. ↑ (en) Swanson, David (January 14, 2004). "Punk Rockers Invade Iowa". Rolling Stone. http://www.rollingstone.com/news/story/5935631/punk_rockers_invade_iowa. Retrieved 2009-03-31. 
  52. ↑ (en) Pascarella, Tony (October 19, 2008). "Rise Against - 10.06.08 - Interview". AbsolutePunk. http://www.absolutepunk.net/showthread.php?t=625382. Retrieved 2009-03-31. 
  53. ↑ (en) "Rise Against To Tour With Rancid - "Audience of One" Video". Musicpix.net. http://www.musicpix.net/home/content/rise-against-tour-rancid-audience-one-video. Retrieved 2009-03-22. 
  54. ↑ (en) "Rise Against Vans Shoe Avail Now! - Prison Issue Old Schools". DGC Records. May 23, 2007. http://www.riseagainst.com/news/default.aspx/nid/11423?pg=8. Retrieved 2009-03-06. 
  55. ↑ (en) "Rise Against Vegan Shoe Manufacturing". RiseAgainst.com. August 27, 2007. http://riseagainst.com/blog/default.aspx?&in=74. Retrieved 2009-03-31. 
  56. ↑ (en) Spannuth, Rachel (February 21, 2002). "Punk legacy continues". Rocky Mountain Collegian. http://media.www.collegian.com/media/storage/paper864/news/2002/02/21/Verve/Punk-Legacy.Continues-1699320.shtml. Retrieved 2009-04-07. 
  57. ↑ (en) Jens, Super (July 4, 2006). "Rise Against - The Sufferer and the Witness Review". Sputnikmusic. http://www.sputnikmusic.com/album.php?albumid=10182. Retrieved 2009-04-07. 
  58. ↑ (en) Roberts, Seth (February 3, 2004). "Anti-Flag and friends keep political punk alive and well at Boston show". The Justice. http://media.www.thejusticeonline.com/media/storage/paper573/news/2004/02/03/Arts/AntiFlag.And.Friends.Keep.Political.Punk.Alive.And.Well.At.Boston.Show-595707.shtml. Retrieved 2009-04-07. 
  59. ↑ (en) DeRogatis, Jim (November 13, 2008). "Rise Against: Melodic hardcore? Political pop-punk? Mainstream underground? Great whatever you call it". Chicago Sun-Times. http://blogs.suntimes.com/derogatis/2008/11/rise_against_melodic_hardcore.html. Retrieved 2009-03-08. 
  60. ↑ (en) "Rise Against, Alkaline Trio, Thrice, and The Gaslight Anthem at". Chicago Decider. http://chicago.decider.com/events/rise-against-alkaline-trio-thrice-and-the-gaslight,17782/. Retrieved 2009-03-08. 
  61. ↑ (en) Liss, Sarah (October 16, 2008). "Things That Go Pop!: Cheer up, emo kids: Rise Against rise to the top". CBC News. http://www.cbc.ca/arts/media/blogs/popculture/2008/10/cheer_up_emo_kids_rise_against.html. Retrieved 2009-03-08. 
  62. ↑ (en) O'Donnell, Kevin (November 13, 2008). "Rise Against's Punk-Rock Explosion". Rolling Stone. http://www.rollingstone.com/news/story/24012796/rise_againsts_punkrock_explosion. Retrieved 2009-03-09. 
  63. ↑ (en) Pareles, Jon (October 12, 2008). "Critics’ Choice - New CD’s by Rise Against, Lucinda Williams and Rudresh Mahanthappa". New York Times. http://www.nytimes.com/2008/10/13/arts/music/13choi.html?ref=music. Retrieved 2009-04-22. 
  64. ↑ 64,0 64,1 64,2 (en) Roberts, Seth (September 7, 2004). "Rise Against talks politics, punk". The Justice. http://media.www.thejusticeonline.com/media/storage/paper573/news/2004/09/07/Arts/Rise-Against.Talks.Politics.Punk-711365.shtml. Retrieved 2009-03-06. 
  65. ↑ 65,0 65,1 65,2 (en) "Interviews: Tim McIlrath (Rise Against)". Punknews.org. December 8, 2006. http://www.punknews.org/link/21227. Retrieved 2009-03-06. 
  66. ↑ (en) Rise Against Awards :: Music - For Your Information :: Rise Against Awards @. Mfyi.com. Retrieved on 2010-11-23.

Vinclos externos[editar | modificar o codigo]

Obteniu de "https://an.wikipedia.org/w/index.php?title=Rise_Against&oldid=1890351"