Calcedonia (silica)
- Iste articlo ye sobre a variedat fibrosa d'a silica dita Calcedonia. P'a ciudat historica situata en a Rechión de Bitinia se veiga Calcedonia.
| Calcedonia | ||
|---|---|---|
| ||
| Categoría: | Tectosilicatos | |
| Formula quimica: | SiO2 | |
| Color: | Muito variato | |
| Raya: | Blanca | |
| Lustre: | Vitrio, graso | |
| Transparencia: | Translucida | |
| Sistema cristalín: | Trigonal | |
| Trencadura: | Concoidal | |
| Dureza: | 7 | |
| Densidat: | 2.59 - 2.61 g/cm³ | |
A calcedonia ye a variedat fibrosa d'a silica. Ye constituita por fibras de quarz con largaria que varía dende decenas a cientos de micras. Por un regular se disposan de traza radiata, chenerando estructuras esferuliticas, en falca, ventallo u mamelonars. A mayoría d'a calcedonia ye d'a variant calcedonita, formas minoritarias son a quarcina u a lutecita.
A calcedonita presenta fibras elongatas en a dirección de l'eixe de menor endiz de refracción d'o quarz (variedat luengo-rapido);
A quarcina, u a lutecita, son también freqüents, y presentan una disposición de fibras subparalelas a l'eixe d'endiz de refracción més gran d'o quarz, u como muito, en o caso d'a lutecita formando-ie un anglo de baixo grau (variedat luengo-lento).
A importancia d'as variedatz con elongación positiva (luengo-lento) ye que son as que s'asocian a las evaporitas. En presencia de sulfatos en o medio, a silica que precipita lo fa con a morfolochía fibrosa largo-lento, mientres que en ausencia de sulfatos precipita siempre en forma de calcedonita. Por ixo a existencia de quarcina u lutecita en una roca será un indicio fiable d'a presencia previa de sulfatos, encara que n'haigan desapareixito de tot.
A calcedonia que se presenta en bandas curvas u angulosas de diferents colors ye l'agata.
Se veiga tamién[editar | modificar o codigo]
Vinclos externos[editar | modificar o codigo]
Se veigan as imachens de Commons sobre Chalcedony.
