Café Hawelka

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O Café Hawelka (en alemán "Künstlerkaffeehaus Hawelka") ye un café vienés situato en a carrera Dorotheergasse 6 d'o distrito d'Innere Stadt d'a ciudat de Viena, Austria. located at .

Leopold Hawelka, 2008 por Veniamin Kostitsin-Teterin

Leopold Hawelka ubrió en 1939 as puertas d'o Café Hawelka. Hawelka heba dirichito antis o Kaffee Alt Wien en a Bäckerstraße dende l'anyo 1936 y chunto a la suya muller Josefine se fació con o Café Ludwig en a Dorotheergasse en mayo de 1939. Iste puesto yera o mesmo a on s'ubrió o "Chatham Bar" en 1906. Mientres muitos anyos se creyó, erroniament, que o local que se trobaba en iste puesto yera o "Je t'aime-Bar". En prencipiar a Segunda Guerra Mundial, o Hawelka habio de zarrar, y en agüerro de 1945 tornó a ubrir as suyas puertas, trobando-se afortunadament o eficicio cuasi intacto.

En rematar o periodo d'ocupación dimpués de 1955, a cafetería tornó ascape a estar o punto de trobada d'escritors y criticos como Heimito von Doderer, Albert Paris Gütersloh, Hilde Spiel, Friedrich Torberg y Hans Weigel. Cuan zarró o Café Herrenhof en 1961, mesmo muitos d'os artistas que se reuniban por un regular en iste local prencipioron a fer-lo agora en o Hawelka. Asinas yeran clients habituals Friedrich Achleitner, H. C. Artmann, Konrad Bayer, Ernst Fuchs, Friedensreich Hundertwasser, Rudolf Hausner, Wolfgang Hutter, Helmut Qualtinger, Gerhard Rühm y Oskar Werner. En as decadas de 1960 y 1970 a cafetería experimentó o suyo periodo de maximo explendor. L'atmosfera artistica d'a cafetería tamién inspiró a canción de Georg Danzer de l'anyo 1976 Jö, schau (...was macht ein Nackerter im Hawelka).

Josefine Hawelka morió o 22 de marzo de 2005 dimpués d'haber dirichito a cafetería chunto a o suyo marito mientres 66 anyos. Ella yera qui preparaba a especialidat d'a casa, os suyos Buchteln (hue feitos encara por Günther Hawelka, fillo de Josefine y Leopold seguntes a receta tradicional). Dica a suya muerte en 2011, Leopold Hawelka yera encara siempre posato en a dentrada d'a cafetería, dando a bienplegata a os suyos clients.

Referencias

Franz Hubmann: Café Hawelka - Ein Wiener Mythos, Christian Brandstätter, 2001 ISBN 3-85498-111-2
Königin Josefine. Die Hawelkas und ihr Café (2002), a documentary film written and directed by Andrea Eckert.
Kurt-Juergen Heering: Das Wiener Kaffeehaus: Mit Hinweisen auf Wiener Kaffeehäuser, Insel, 2002 ISBN 978-3-458-33018-9
Der Standard Josefine Hawelka an Herzversagen gestorben, 30.03.2005
Der Standard "Poiderl, was mach ma denn" - zum 95er, Marijana Miljkovic, 12.04.2006
Der Standard Literarisiertes Wohnzimmer, Gregor Auenhammer, 24.12.2009
Der Standard Ehrung für das "Hawelka", 14.12.2009
Das Hawelka. Geschichte & Legende, by Sonja Moser, 2009, ISBN 978-3-85431-500-1