Caballón

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Caballons y vallos d'una uebra.

En Aragón un caballón ye, de forma chenerica, cualsiquiera d'os relieves elevaus en una superficie an que s'alterna lomos con sulcos, como por eixemplo en una uebra aladrada u en un tellau de tella.

De forma mas especifica, en l'agricultura se le diz caballons a os amontinamientos largos de tierra que va deixando l'aladro cuan ha rompiu o suelo. Una variant d'ixe concepto podrían estar os «canciellos» u «cancillos», anque ixa atra parabla designa mas que mas os caballons feitos a mano en a huerta, con glebas devantadas con a ixada («acancillar»).

A cuentra d'un «caballón» u d'un «canciello» ye o «vallo»; ixo ye o sulco destinau a que pase l'augua de regadura.

Atros usos de «caballón»

En bellas comarcas de Teruel, o caballón designaba tamién a una unidat tradicional de mesura pa os cerials de siega. Por eixemplo, a cullita de trigo en Mora de Rubielos se mesuraba en caballones.

Se veiga tamién

• Vallo.
• Canciello.

Referencias

• Datos: Q110100404