César Alierta Izuel
| César Alierta Izuel | |
|---|---|
 César Alierta Izuel, en una imachen de 2013. | |
| 5 de chulio de 2000 – 29 de marzo de 2016 | |
| Designau por | José María Aznar |
| Precediu por | Juan Villalonga |
| Succediu por | José María Álvarez-Pallete |
| 10 de chunio de 1996 – 1999 | |
| Designau por | José María Aznar |
| Precediu por | ??? |
| Succediu por | Garra (disolución) |
| Naiximiento | 5 de mayo de 1945 Zaragoza (Comarca Central, Aragón)
|
| Muerte | 10 de chinero de 2024 Zaragoza (Comarca Central, Aragón)
|
| Conchuche | Ana Cristina Placer (†2015) |
| Profesión | Avogau y empresario |
César Alierta Izuel, naixiu de Zaragoza (Comarca Central, Aragón) o 5 de mayo de 1945 y muerto en ixa mesma ciudat o 10 de chinero de 2024,[1] estió un avogau y empresario aragonés, que destacó entre d'atras actividaz por estar president de Tabacalera (1996-1999) y mas que mas president de Telefónica (2000-2001). Tamién estió un d'os principals accionistas d'o Real Zaragoza. Yera fillo d'o politico y empresario aragonés Cesáreo Alierta y d'a suya muller Juana Izuel Labad.
Formación
[editar | modificar o codigo]Fillo d'o politico y empresario aragonés Cesáreo Alierta, alcalde de Zaragoza mientres a dictadura franquista, y d'a suya muller Juana Izuel Labad, fació la suya formación en Zaragoza, la suya ciudat natal, licenciando-se en Dreito por la Universidat de Zaragoza, completando dimpués la suya formación en a Columbia Business School de Nueva York, dependient d'a Universidat de Columbia.
Vida profesional
[editar | modificar o codigo]En tornar en Espanya, lo suyo primer treballo estió como asesor financiero en o Banco Urquijo, puyando poquet a poquet en l'organigrama de dito banco.
A meyaus de 1985 fundó la suya propia empresa y en aviento de 1991 fue nombrau president de l'Asociación Española del Mercado de Valores, cargo a on i remanió dica 1996, cuan o Primer Gubierno Aznar lo nombró president de Tabacalera, que yera alavez una empresa de capital publico, continando en ixe cargo dica 1999 cuan Tabacalera se fusionó con a francesa Seita ta formar una nueva empresa clamada Altadis.
L'anyo 2000 fue nombrau President de Telefónica, nuevament por o Primer Gubierno Aznar, prenendo parte activa en a reactivación d'a empresa, dica la suya dimisión lo 29 de marzo de 2016 (encara que continó fendo parte d'o suyo Consello d'Administración dica mayo de 2017).
Morió por una pneumonía.
Referencias
[editar | modificar o codigo]- ↑ (es) Ramón Muñoz: Muere a los 78 años el expresidente de Telefónica y Tabacalera, César Alierta, en El País, 10 de chinero de 2024.
Vinclos externos
[editar | modificar o codigo]
Se veigan as imáchens de Commons sobre César Alierta Izuel.
| Control d'autoridaz |
|
|---|
Datos: Q713364- Multimedia: César Alierta / Q713364