Braddock: Missing in Action III

Braddock: Missing in Action III
Títol	Braddock: Missing in Action III
Póster d'a cinta.
Ficha tecnica
Dirección	Aaron Norris
Producción	Menahem Golan Yoram Globus
Disenyo de producción	Ladislav Wilheim
Guión orichinal	James Bruner Chuck Norris
Basau en	personaches creyaus por Arthur Silver, Larry Levinson y Steve Bing
Musica	Jay Chattaway
Fotografía	João Fernandes
Montache	Michael J. Duthie
Vestuario	Tami Mor
Maquillache	Tony Artieda Ilona Bobak Totoy Cerna Gábor Kernyaiszky
Peluquería	Ilona Bobak Edith Sanchez
Casting	Perry Bullington Michael Olton
Actors	Chuck Norris Aki Aleong Roland Harrah III Yehuda Efroni Floyd Levine Miki Kim Ron Barker Jack Rader Keith David
Datos y cifras
País(es)	Estaus Unius
Anyo	1988
Debantadera	22 de chinero de 1988 Estaus Unius
Chenero(s)	Cine d'acción
Durada	103 min.
Idioma(s)	Anglés
Companyías
Productora(s)	The Cannon Group Golan-Globus Productions
Distribución	Cannon Films
Presupuesto	9 millons de dólars
Recauto	7.193.901 dólars
Succesión de cintas
Precedida por	Missing in Action 2: The Beginning (1985, Lance Hool)
Informacions en bases de datos especializadas:

Braddock: Missing in Action III (títol orichinal en anglés, en aragonés Braddock: Desapareixiu en acción III, enguerada en Aragón con o títol en castellano de Braddock: Desaparecido en combate 3, en aragonés Braddock: Desapareixiu en combat 3) ye una cinta de cine d'acción de cine estausunidense de l'anyo 1988 dirichida por Aaron Norris seguntes un guión orichinal de James Bruner y Chuck Norris (encara que basau en os personaches creyaus por Arthur Silver, Larry Levinson y Steve Bing), con una dirección de fotografía de João Fernandes, una banda sonora orichinal de Jay Chattaway y una producción cinematografica de Menahem Golan y Yoram Globus ta las productoras The Cannon Group y Golan-Globus Productions. L'elenco d'actors d'a cinta ye formau por, entre d'atros, Chuck Norris, Aki Aleong, Roland Harrah III, Yehuda Efroni, Floyd Levine, Miki Kim, Ron Barker, Jack Rader y Keith David.

Braddock: Missing in Action III, encara que secuencialment ye rodada dimpués de Missing in Action 2: The Beginning (1985, Lance Hool), en realidat ye una secuela de Missing in Action (1984, Joseph Zito), cinta d'a cual Missing in Action 2: The Beginning ye una precuela. A cinta conta cómo lo coronel James Braddock recibe la visita de mosén Polanski, qui li explica que su muller Lin Tan Cang no morió mientres a clamada operación Frequent Wind os días 29 y 30 d'abril de 1975 cuan os Estaus Unius albandonaban Vietnam y evacuoron a bels mils de civils vietnamitas que se consideraba que se trobaban en risque de padeixer represalias por a suya colaboración con os estausunidenses mientres a guerra de Vietnam. Mosén Polansli li conta tamién que su muller heba teniu un fillo d'o coronel, Van Tan Cang, que en ixas envueltas ya tien 12 anyadas. En primeras Braddock no para masiada cuenta pero cuan dimpués lo visita Littlejohn, un achent d'a Central Intelligence Agency ta decir-le que no pare cuenta d'ixas informacions, compren que lo que li heba dito lo mosén yera verdat y decide marchar enta Vietnam ta rescatar a su muller y su fillo.

A cinta s'ambienta en 1975 en Saigón (hue Ciudat Ho Chi Minh) mientres a guerra de Vietnam y en epoca actual d'a cinta (1988) en Estaus Unius, Bangkok en Tailandoa y en Vietnam, y las suyas escenas se filmoron en bellas localizacions en Filipinas.

Encara que la cinta recibió bella nominación a bel premio cinematografico, no se tracta de garra premio d'os mas conoixius u destacaus.

Elenco

Actor	Papel	Notas
	'

Se veiga tamién

• Cine en 1988.
• Cintas de 1988.

Referencias

• Datos: Q896904