Ben Hecht
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
| Ben Hecht | |
|---|---|
 O director cinematografico, escritor, guionista, periodista y productor cinematografico estausunidense Ben Hecht, en una imachen de 1919. | |
| Información personal | |
| Calendata naiximiento: | 28 de febrero de 1894 |
| Puesto naiximiento: |  Nueva York (Nueva York, Estaus Unius)
|
| Calendata muerte: | 18 d'abril de 1964 |
| Puesto muerte: | Nueva York (Nueva York, Estaus Unius)
|
| Ocupación: | Director cinematografico, escritor, guionista, periodista y productor cinematografico |
| Conchuche: | Mary Armstrong (1916–1926) Rose Caylor (1926–1964) |
Ben Hecht, naixito de Nueva York (Nueva York) o 28 de febrero de 1894 y muerto en ixa mesma ciudat o 18 d'abril de 1964, estió un director cinematografico, escritor, guionista, periodista y productor cinematografico estausunidense, activo en o mundo d'o cine estausunidense dende meyatos d'os anyos 1920, con quantos premios recibitos mientres a suya carrera cinematografica. Estió un d'os mas populars d'os tiempos clasicos d'o cine estausunidense, estando amás o primer guionista en conseguir un Premio Oscar a o Millor Guión Orichinal,[1] en a 1a edición d'os Premios Oscar.
D'entre a suya amplisma filmografía como guionista, con mas de 70 colaboracions, se puet mencionar bell un d'os suyos guions, ta cintas como Scarface (1932, Howard Hawks y Richard Rosson, con un guión escrito en nomás que onze días), Twentieth Century (1934, Howard Hawks), Viva Villa! (1934, Jack Conway), Barbary Coast (1935, Howard Hawks), Nothing Sacred (1937, William A. Wellman), Gone with the Wind (1939, Victor Fleming, no acreditato), Gunga Din (1939, George Stevens), Wuthering Heights (1939, William Wyler), His Girl Friday (1940, Howard Hawks), Spellbound (1945, Alfred Hitchcock), Notorious (1946, Alfred Hitchcock), Duel in the Sun (1946, King Vidor, no acreditato), Monkey Business (1952, Howard Hawks), The Indian Fighter (1956, Andre De Toth), A Farewell to Arms (1957, Charles Vidor), Mutiny on the Bounty (1962, Lewis Milestone), Cleopatra (1963, Joseph L. Mankiewicz, no acreditato) u Casino Royale (1967, Ken Hughes, John Huston, Joseph McGrath, Robert Parrish y Val Guest, postuma).
En febrero de 2012, l'Aula de Cine d'o campus de Uesca d'a Universidat de Zaragoza li adedicó un ciclo, con a prochección de ueito d'as suyas cintas.[1]
Vinclos externos[editar | modificar o codigo]
Se veigan as imachens de Commons sobre Ben Hecht.- (en) Ben Hecht en IMDb.
- (en) Ben Hecht en Internet Broadway Database.
- (en) Ben Hecht en Find a Grave.
