Fermentación alcoholica

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

A fermentación alcoolica ye un proceso anaeróbico que amás de chenerar etanol desprende grans cantidatz de dióxido de carbonio (CO₂) amás d'enerchía ta o metabolismo d'as bacterias anaeróbicas y levaduras.

A fermentación alcoholica ye un proceso biolochico de fermentación en plena ausencia d'aire (oxicheno - O₂), orichinau por l'actividat de qualques microorganismos que procesan os hidratos de carbonio (por regla cheneral zucres: como por eixemplo a glucosa, a fructosa, a sacarosa, sirve con qualsiquier substancia que tienga a forma empirica d'a glucosa, ye decir, que sía una Hexosa.) ta obtener como productos finals: un alcohol en forma d'etanol (que a suya formula quimica ye: CH₃-CH₂-OH), dióxido de carbonio (CO₂) en forma de gas y unas moléculas d'ATP que consumen os propios microorganismos en o suyo metabolismo celular enerchetico anaerobico. O etanol resultant s'emplega en a elaboración de qualques bebidas alcoholicas, tals como o vin, a biera, a sidra, o cava, etc. Encara que en l'actualidat s'empecipia a sintetizar tamién etanol por meyo d'a fermentación a livel industrial a gran escala ta estar emplegau como biocombustible.