Barranco de La Val (Val Madriz)

De Biquipedia
Ir a la navegación Ir a la búsqueda
Iste articlo tracta sobre Barranco de La Val (Val Madriz). Ta altros emplegos d'o toponimo Barranco de La Val se veiga Barranco de La Val.
Barranco de La Val
Administración
País Flag of Aragon.svg
Municipios por a on pasa Val Madriz, Lo Burgo d'Ebro, Pastriz y Zaragoza
Cheografía
Longaria n/d km
Altaria d'o naixedero 689 m
Naixedero El Poyero
Desembocadura río Ebro

O barranco de La Val, dito tamién de las Casetas, ye un barranco aragonés d'a Val de l'Ebro que naixe en os monts d'o municipio de Val Madriz y desemboca en o río Ebro, en a marguin opuesta ta lo Galacho de l'Alfranca.

O barranco naixe en o parache d'El Poyero, que fa muga con o municipio de Fuent de Todos y Puebla d'Albortón. En o suyo recorrido reculle as auguas d'os barrancos de Val de La Hueva, Val de Granja Perez, Val de Navarro, Val de Gabarré, Val de Ribas y Val de la Reina por a suya marguin dreita, y Val de Torreciella por a suya marguin cucha, a l'altaria de Torreciella de Val Madriz, principalment.

O suyo cauz ye en quasi la suya totalidat ocupato por campos agricolas, practicament totz secanos, que aproveitan as suyas auguas y sedimentos en as barrancadas, en a tecnica d'o uebra.

Asinas, no torna a aparixer o dito cauz dica l'altura d'a Paridera de Marqués, a man d'o Poligono Industrial Empresarium. Astí ya ye conoixito como Barranco de las Casetas, data a cercanía d'una torre de labor dita Casetas de Lierta, que posteriorment pasa. Desemboca cerca d'os campos d'ista torre en una zona salvache que fa o meandro de l'Ebro debant o galacho de l'Alfranca, estando protechito iste zaguer tramo por a Reserva Natural d'os galachos de l'Alfranca de Pastriz, La Cartuixa y Lo Burgo d'Ebro.

Por ista val teneba o zaguer tramo antis d'a capital o recorrido d'o Ferrocarril minero de Utrillas, fundato en 1900 y cerrato de pa cutio o 15 de chinero de 1966. Trazato d'o qual pueden veyer-se encara numerosos apartaderos por o camín.

Figuras de protección[editar | editar código]