Val de Cabriuel

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Val de Cabriuel
Lugar d'Aragón
Entidat  • País  • Provincia  • Comarca  • Municipio	Lugar  Aragón  Teruel Sierra d'Albarracín Albarracín
Partiu chudicial	Teruel
Población  • Total	1 hab. (2018)
Altaria  • Meyana	1600 m.
Distancia  • 36 km	enta Teruel
Parroquial  • Diocesi  • Arcipestrau	Teruel y Albarracín Albarracín
Coordenadas	40°17’29’’N 1°37’19’’U
Val de Cabriuel Val de Cabriuel en Aragón

Val de Cabriuel (Valdecabriel u Valle Cabriel en castellano) ye un casal d'a provincia de Teruel, perteneixient a lo municipio d'Albarracín.

Cheografía

Ye situato en a muga d'a Sierra d'Albarracín con a Serranía Alta de Cuenca, puyando por o cauz d'o río Cabriuel auguas enta alto d'o suyo naixedero oficial d'o termin de lo Val Longuiello.

Historia

En 1519 a reina Chuana I y o suyo fillo Carlos I confirmoron a suya nobleza y sinyoría de Val de Cabriuel y Villa Cadima a la familia Catalán d'Ocón. Dende allora as suyas tierras pasoron a fer parte d'o mayorazgo familiar, que se trasmitió sin partir-se a traviés de primochenitos dica o sieglo XIX.

En 1980 teneba 17 habitadors, en 1991 yera despoblato y en l'actualidat tien encara 1 habitant.

Toponimia

O suyo nombre fa referencia a lo río Cabriuel. En unos textos de 1340 s'escribe Val de Cabrihuel. Tamién s'escribe Cabrihuel en os textos medievals d'os monches d'o Monesterio de Piedra. O feito que en castellano se diga tamién Valle Cabriel mos fa pensar que en a Edat meya se dicise tamién Val Cabrigüel.

Vinclos externos

• https://web.archive.org/web/20071011061334/http://elvallecillo.deteruel.es/InternetRural/ElVallecillo/Home.nsf/documento/Valdecabriel