Bagaudas

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Pillards gaulois por Évariste-Vital Luminais. Museu de la sociedat historica y arqueolochica de Langres.

Los bagaudas (bagaudae en latín), lo nombre bagauda deriva d'una palabra gala cognata d'o bretón bagad (tropa, tropel, colla, rabera). Las bagaudas estioron bandas armadas d'esclavos, soldaus desertors, bandolers y labradors sin tierra que saqueyaban lo nord-ueste d'a Galia en los sieglos III y IV. Cualques d'éls se dotoron d'una organización politico-militar.

Los motivos pa lo establecieiento d'as bagaudas pareixen estar, pa la mes gran part d'ixos hombres, lo motivo de querer vivir d'a rapinya motivau por la alta presión d'a fiscalidat romana chunto con un empobrecimiento causau por lo enfriamiento d'o clima y los pillaches d'as primeras invasions barbaras. Plegoron a ocupar dos cinquenas parz d'a Galia en a suya mes gran extensión, sobre tot en lo nord-ueste. Lo fenomeno s'estendilló tamién a lo sud d'os Pireneus arribando en la Hispania Tarraconense, especialment por lo territorio habitau por los bascons.

Ye un fenomeno social paralelo a las usurpacions contemporanias que pareixen igualment la consecuencia de problemas socials y de l'achitación politica d'a epoca, mesmo si no afectan a las mesmas clases socials. Por eixemplo, en l'anyo 281 los habitants de Lugdunum refirmoron la usurpación de Proculo, rico terratenient qui armó los suyos 2.0000 esclavos pero que fuyió cuan las lechions imperials s'amanoron.

Bagaudas en Hispania[editar | modificar o codigo]

Lo bispe galaico Hidacio consignó cuatre intes d'actividat de bagaudas en la Hispania Tarraconense[1]. Lo gobierno romano ninvió a la Tarraconense dos exercitos contra los bagaudas, primero en l'anyo 441 baixo lo mando d'Asterio, y dimpués en l'anyo 443 baixo lo mando de Merobaudes. Encara que Hidacio comente que las campanyas estioron exitosas pa los romanos seis anyadas dimpués tornaba a haber-ie actividat de bagaudas en la val d'Ebro.

En l'anyo 449 los bagaudas teneban un lider dito Basilio y atacoron Tarazona y facioron una gran mortalera en la guarnición visigoda de Tarazona,[1] y matoron tamién a lo bispe local León. Poco dimpués los bagaudas unioron fuerzas con los suebos y atacoron Caesaraugusta y prenioron Leida.

Una revuelta bagauda fue esclafada en la Hispania Tarraconense en l'anyo 454 por los visigodos por orden de las autoridaz romanas ex auctoritate romana. La tropa yera baixo lo mando de Frederico, chirmán de Teodorico II, sin que bi haiga contancia d'intervención de garra oficial romano. Ye en esta campanya cuan los visigodos encomienzan a tener una presencia decisiva en la val d'Ebro como una fuerza militar capable de substituyir a los romanos en lo control d'o territorio.[1]

Zaguers bagaudas en la Galia[editar | modificar o codigo]

En l'anyo 448 atros bagaudas son dirichius por un medico dito Eudoxo en lo centro de Galia. Derrotau, trobó refuchio entre los hunnos d'Atila.

Un texto de l'anyo 638 relativo a Saint-Maur-des-Fossés, en la rechión parisién, menciona un reducto de bagaudas en ixa localidat.

Un boulevard des Bagaudes existe entre las comunas de Saint-Maur-des-Fossés y de Joinville-le-Pont (Val-de-Marne); la placa leva la mención de "pueblo galo".

Referencias[editar | modificar o codigo]

  1. 1,0 1,1 1,2 María Victoria Escribano Paño Los Godos en Aragón Cai100, 2000 pp29-35