B vocal

De Biquipedia
Ir a la navegación Ir a la búsqueda
b vocal
Bvocal 037.jpg
Nombre {{{Nombre_de_naximiento}}}
Embotada {{{Alias}}}
Naixió {{{Naximiento}}}
Murió {{{Muerte}}}
Información musical
Orichen Zaragoza (Comarca de Zaragoza, Aragón) Flag of Aragon.svg
Estilo Musica a cappella
Ocupancia {{{Ocupanzia}}}
Instrumentos {{{Estrumento}}}
Tiempo 1995 -
Discograficas {{{Discografica}}}
Relacionato con {{{Artistas_relacionatos}}}
Pachina web www.bvocal.org
Miembros
Fermín Polo
Augusto González
Alberto Marco
Carlos Marco
Juan Luis García

b vocal ye un grupo aragonés de voces "a cappella" de Zaragoza.

Historia[editar | editar código]

Creyato en 1995, en primerías son seis os components d'o grupo, que ya en 2006, quan publican o suyo primer DVD, no i son que cinco, y asinas continan en as calendatas de huei. Istos cinco components no fan servir que as suyas voces y muito humor y arte scenica ta recreyar a sonoridat orichinal d'os temas que interpretan en os suyos espectaclos.

O grupo b vocal ha participato en muitos programas de radio (En días como hoy, de RNE) y televisión (El Conciertazo, de La 2 de TVE; La noche con Fuentes y Cía, de Telecinco; Espejo Público, d'Antena 3; Madrid Directo, de Telemadrid; Aragón en Abierto, d'Aragón TV) asinas como en quantas galas celebratas con diversas enchaquias, como a Gala de Fin de Año (Gala de Cabo d'Anyo), d'Aragón TV.

En 2005, b vocal celebra o suyo deceno aniversario, asinas como tamién os suyos 1.000 conciertos feitos dica allora. Y en octubre, fan un concierto como teloners d'a cantaire Bonnie Tyler devant de mas de 100.000 presonas en Zaragoza.

O 2007 rematará estando un anyo de chiras, pos dimpués d'obtener bells premios en 2006 en o prestichioso Festival Internacional Vokal.Total de Graz en Austria, son convidatos a o Festival Internacional de Grupos Vocals de Taiwán, an que i ferán quantos conciertos. Ixe mesmo anyo visitarán Chapón, ufrindo unatros. Antis, en chulio, habrán actuato en o Teatro Bellas Artes (Teatro Polidas Artes) de Madrit por primera vegada.

L'anyo 2008 tamién estió a-saber-lo bueno ta b vocal. Tornan nuevament ta Taiwán y fan bells conciertos. Tamién o suyo espectaclo ye o mas visto ixe anyo en Madrit, estando lo segundo anyo que fan ixe espectaclo en a ciudat, y en o Teatro Bellas Artes (Teatro Polidas Artes). Y tamién participan en a Exposición Internacional de Zaragoza fendo dos conciertos.

En 2009 publican o suyo zaguer disco, Vocalitessen, por quantas ciudatz espanyolas emplindo teatros y auditorios. En Zaragoza s'acotolan as localidatz d'o Teatro Prencipal mientres os dos días d'a presentación.

Dimpués, en 2010, será l'anyo d'os premios en Nueva York y San Francisco, y tamién cantarán en Xangai (China), con a enchaquia d'a Exposición Universal, representando-ie a Zaragoza como a ciudat d'a Exposición precedent. En l'agüerro d'ixe anyo ferán una chira por China, Taiwán y Chapón. Tamién participan en o disco Cancionero libertario.

En 2011 publican o DVD d'o suyo espectaclo Érase una voz... la Historia y fan una chira por China y Coreya d'o Sud.

En 2012 empecipian l'anyo fendo lo suyo espectaclo Érase una voz... la Historia en Madrit.

O grupo b vocal tamién colabora en prochectos solidarios (AECC, Cruz Roja (Cruz Roya), Manos Unidas (Mans Unitas), etc.), y cal quaternar a suya labor pedagochica amostrando a milentas de ninos y chóvens (mas d'un millón) a importancia d'a musica y d'a voz humana como instrumento esencial d'a humanidat.

Premios[editar | editar código]

  • Premio d'o Churato y Premio d'o Publico en o Festival Internacional Vokal.Total de Graz (Estiria, Austria) (chulio de 2006)
  • Premio d'o Churato y d'o Publico en o prestichioso festival Harmony Sweepstakes en Nueva York; dimpués, en mayo, tornan a obtener o Premio d'o Publico, o Premio a la Millor Canta d'o Festival y o Tercer Premio d'o Churato en o mesmo Festival en a ciudat de San Francisco. Son o grupo más premiato en a edición 2010 d'un concurso que ye considerato lo más important en l'ambito d'a musica "a cappella" a ran mundial.
  • Aragoneses del año de la Cultura (Aragoneses de l'anyo d'a Cultura) (chunio de 2010)

Discografía[editar | editar código]

  • Rebisiones (2000)
  • Seis voces... ¿nada más? (2004)
  • Entre abades y juglares (2006)
  • Vocalitessen (2009)

Participacions[editar | editar código]

  • Cancionero libertario (2010)

Vidios (DVD)[editar | editar código]

  • Cinco voces son risas (2006)
  • ¡Comicapela! (2008)
  • Érase una voz... la Historia (2011)

Espectaclos[editar | editar código]

  • Con la boca
  • Biaja con nosotros
  • La música por dentro
  • La música en tu voz
  • Acapeleando
  • Vozmundiversión
  • Érase una voz... la Historia
  • ¡Comicapela!

Enrastres externos[editar | editar código]