Azut Manuel Lorenzo Pardo
L'azut Manuel Lorenzo Pardo (en honor de Manuel Lorenzo Pardo, incheniero de camins, canals y puertos fundador d'a Confederación Hidrografica de l'Ebro) u tamién dito simplament azut de l'Ebro ye un azut sobre o río Ebro a o suyo paso por Zaragoza.
Construyiu a beta d'a Exposición Internacional de Zaragoza 2008, tien como primer obchectivo guaranciar un fluxo estable d'augua en o río pa permitir a suya navegabilidat entre l'azute (en o barrio de Vadorrei) y a dentrada de l'Ebro en Zaragoza por o meandre de Raniellas. Se fació a devantadera o 10 de chunio de 2008 y dende alavez ha causau una gran polemica, tanto por a oposición de collas d'ecolochistas a l'azut y as obras de dragau necesarias pa o servicio de barcos instaurau, como por l'alto coste d'o prochecto, denunciau por a oposición municipal.
L'azut incluye una palanga piatonal entre Vadorrei, a l'altaria de Nobleza Baturra en a marguin ezquierda y Las Fuents, a l'altaria d'a carrera Frai Luis Urbano. Ye composau de ueito esclusas que suman 200 metros amás d'as instalacions de control y puerto fluvial.
O disenyo d'o espacio piatonal ye orichinal de l'arquitecto Isidro Navarro Delgado.
Galería
[editar | modificar o codigo]
| Control d'autoridaz |
|
|---|
Datos: Q5715178
Multimedia: Azud de Zaragoza / Q5715178