Azpilkueta

De Biquipedia
Ir a la navegación Ir a la búsqueda
Azpilkueta
Localidat de Navarra
Azpilikueta ikuspegia.jpg

Anvista d'Azpilkueta
Entidat
 • Estato
 • Comunidat
 • Municipio
Localidat
Flag of Spain.svg Espanya
Bandera de Navarra.svg Navarra
Baztan
Población
 • Total

176 hab. (2010)
Altaria 367 m.
Distancia
 • 57 km

enta Pamplona
Chentilicio azpilkuetarra (en vasco)
Patrons Sant Fermín

Azpilkueta (Azpilcueta en castellán) ye un lugar d'o Norte de Navarra que se troba aintro d'a val de Baztan al que se puet plegar a traviés d'a carretera nacional N-121b. Seguntes o censo de 2010, a suya población ye de 176 habitants[1] que se reparten d'a siguient manera entre os quatre vicos que el fan parte: Apaioa (29 h.), Arribiltoa (22 h.) Urrasun (24 h.) y Zuaztoi (40 h.), amás d'os que tien o nuclio d'Azpilkueta (61 h.)

En o lugar se pueden almirar casals granizos, a dos y quatre auguas, con a dople portalada tipica de Baztán con escudos con restos de policromia. A ilesia de Sant Andreu ye de planta de cruz latina, remodelada en o sieglo XVIII, con retablos d'a mesma epoca de buena factura d'as tallas con as esculturas de Sant Andreu, Sant Fermín, Sant Francisco Xabier y Sant Martí de Tours.

Anvista d'o vico d'Apaioa

Mugas[editar | editar código]

Amaiur fa muga con Amaiur enta lo norte y noreste, con Arizkun a l'este y con Elizondo y Elbete a lo sud.

Amaiur Amaiur
Llinars del Vallès Arizkun
Elbete y Elizondo

Mitolochia[editar | editar código]

Se diz que en os mons d'arredol d'o lugar, concretament en o Parache de Meatzeta (Meatzeta Parajea, en vasco), fueron apedecatas dos mullers, estando totas dos lamias. Dende allora la tradición asegura que ye d'iste puesto dende an se creyan y proceden as tronadas.[2]

Torre en o lugar d'Azpilikueta

Molimentos principals[editar | editar código]

  • Palacio d'Azpilikueta, palacio de cabo d'armeria y casa d'a mai de Sant Francisco Xabier, Maria d'Azpilkueta. Fue una primitiva torre medieval y fortaleza defensiva, que fue espaldada quasi de raso por Ordren d'o Cardenal Cisneros en l'anyo 1516 (Azpilkuetako jauregia, en vasco).
  • Casa Iriartea, sita en o vico d'Apaioa (Iriarte etxea).


Lugars d'o municipio de Baztan
Almandoz | Amaiur | Aniz | Arraioz | Arizkun | Azpilkueta | Berroeta | Elbete | Elizondo | Erratzu | Gartzain | Irurita | Lekaroz | Oronoz | Ziga

Vinclos externos[editar | editar código]

Referencias[editar | editar código]