Aviento (cristianismo)
L'Aviento[1][nota 1] (d'o latín adventus Redemptoris "venita de lo Redentor") ye lo primer periodo de l'anyata liturchica cristiana, que consiste en un tiempo de preparación pa lo Nadal. La suya duración ye de 21 a 28 días, se celebran los cuatre dominche mes a man a la festividat de Nadal.
Marca lo prencipio de l'anyata liturchica en cuasi totas las confesions cristianas. Mientres este periodo los feligreses se preparan pa celebrar la conmemoración de la naixencia de Chesucristo y pa renovar la esperanza en la segunda Venita de Cristo Chesús, a lo remate de los tiempos (Parusía).
Durant l'Aviento se prepara en la ilesia y cada casa una corona de flors dita Corona d'Aviento con cuatre velas, una por cada dominche d'Aviento. Bi ha una tradición d'Aviento: a cadaguna d'ixas cuatro li fan tocar una virtut que s'ha de millorar ixa semana, por eixemplo, la primera l'amor; la segunda, la paz; la tercera, la tolerancia y la cuarta, la fe.
Las lecturas biblicas d'este tiempo d'Aviento las prenen sobre tot de lo profeta Isaías (primera lectura), tamién replegan los pasaches mes profeticos de l'Antigo Testamento sinyalando la plegata de lo Mesías. Isaías, sant Chuan Baptista y María de Nazaret son los modelos de creyents que las ilesias ofreixen a los fidels pa preparar la venita de lo Sinyor Chesús.
Notas
[editar | modificar o codigo]- ↑ Con a variant Avient
Referencias
[editar | modificar o codigo]- ↑ (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
