Arbequina

L'arbequina^[1] ye una variedat d'olivera (Olea europea). Fue trayida por a duquesa de Cardona en o sieglo XVII.^[2] A duquesa viviba en o castiello-palacio d'Arbeca, Catalunya, d'astí o nombre que recibe ista variedat en honor a o municipio a on residiba.

Caracteristicas

L'arbequina se caracteriza por una gran resistencia a o fredo, una vigor muit reducida y una baixa resistencia a os suelos calcarios. A grandaria d'o suyo fruito ye a menor d'as variedaz cautivadas en Espanya, entre un y dos gramos.

Respective a la suya distribución, podemos trobar plantacions en as comunidaz de Catalunya, Aragón y Andalucía en Espanya, en a zona d'o Maule en Chile, La Rioja en Archentina, Minas Gerais en Brasil y recientment en zonas d'as sierras de Maldonado y Minas en Uruguai. Ye a base d'as modernas plantacions intensivas ya que a suya escasa vigor permite una alta densidat de plantas, plegando en bellas plantacions a las 2000 plantas por hectaria.

L'aceite d'oliva virchen extra temprano d'arbequina ye suau y tien aroma afrutada.^[3] Manimenos, debiu a la baixa proporción de polifenols, a suya durada ye limitada.^[4]

Usos

Amás d'estar emplegada como oliva de mesa, s'emplega pa producir un aceite d'oliva de gran calidat. Por un regular, os aceites d'oliva basaus en ista mena d'olivera son mas fluyius y dolces, con un acabau a on l'amargor y o picante a tamas son perceptibles.^[5]

Ye una d'as variedaz prencipals de l'aceite Sierra de Moncayo y una d'as segundarias de l'aceite d'o Baixo Aragón.