Ana Giménez

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Ana Giménez Beltrán
Información personal
Calendata de naixencia	1968
Puesto de naixencia	Uesca (comarca de Uesca, Aragón)
Ocupación	Escritora y Profesora d'Educación Secundaria

Ana Giménez Betrán (Uesca, 1968). Licenciada en Filosofía y Letras por a Universidat de Zaragoza y profesora de Educación Secundaria dende 1996, actualment exerce a suya profesión en Uesca, do fa clases de Luenga castellana y Literatura. Como filologa ye autora d'os articlos: "Apara l'oído y beyerás as cosas claramén" (1994), “Bellas aportazions a la toponimia d'Aratorés” (1999), "Tres fitos d'a bida: una cosmobisión aragonesa" (2000) u "Reloch de pocha no ye solo una nobela" (2011-2012).

Ye miembro d'o Consello d'a Fabla Aragonesa. A suya relación con l'aragonés se remonta ta zagueros d'os anyos 1980 y abrarca muitos aspectos, dende la amostranza dica os prochectos educativos per medio de cursos y seminarios, pasando por treballos pa medios de comunicación y, per último, a creyación literaria. Escribe en aragonés común.

En iste, ha publicato dos novelas, todas dos de ambientación historica, que recibioron senglos premios en certamens literarios. La uno, en 2000 uno d'os accésits d'o premio que convoca o Concello de Lo Grau, por o relato Ixos tiempos güegatizos, y en 2005 o VII Premio Internacional de Novela Curta “Chusé Coarasa”, con a novela historica Palestra.

En relato curto destacamos as obretas Foratos (2007), a historia d'un cabo de carabiners en a Cerdanya, Esquite (2011) un relato feminista y ADN premio de Relatos "Luis del Val" en 2013.