Alejandro Oliván Borruel

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Alejandro Oliván Borruel
Alejandro Oliván Borruel


15 de febrero de 1847 – 28 de marzo de 1847
Monarca Isabel II d'Espanya
Primer ministro   Carlos Martínez de Irujo
Precediu por José Baldasamo
Succediu por Juan de Dios Sotelo Machín
Naiximiento 28 de febrero de 1796
Aso de Sobremont (Alto Galligo, Aragón)
Muerte 14 d'octubre de 1878
Madrit (Espanya)
Partiu Partido Moderado
Conchuche Josefa Coello de Portugal
Profesión Politico

Alejandro Oliván Borruel, naixito d'Aso de Sobremont (Alto Galligo) o 28 de febrero de 1796 y muerto en Madrit (Espanya) o 14 d'octubre de 1878, estió un politico aragonés, d'ideolochía liberal y que, como militant d'o Partido Moderado ocupó o cargo de ministro de Marina d'Espanya mientres o Gubierno de Carlos Martínez de Irujo dende o 15 de febrero de 1847 dica o 28 de marzo de 1847, amás d'atros cargos politicos en a escena politica espanyola. Estió senador en o Senau d'Espanya. Por as suyas ideyas politicas estió cuantas vegatas exiliato y mesmo engarcholato en Zaragoza.

Fació a suya formación en os Escolapios de Chaca y en Francia y prenió parte activa en a Guerra d'o Francés. personalidat multifacetica, tamién destacó por os suyos treballos respective d'o Dreito administrativo y d'o Dreito politico y, enmarcato en a suya ideolochía liberal y recheracionista, sobre agricultura, como as posibles milloras en o cautivo en a isla de Cuba (que alavez yera una colonia espanyola) d'a especie Saccharum officinarum ta l'obtención de zucre.

Antiparte, estió miembro de cuantas Academias (Reyal Academia d'Artes Polidas, Reyal Academia de Siencias Morals y Politicas...), secretario d'a Sociedad Económica Matritense y president de l'Ateneu de Madrit.

Encara que perteneixeba a una familia d'infanzons d'Oliván,[1] no acceptó a concesión d'un títol nobiliario que li ufrió o Gubierno en 1857.

Obras[editar | modificar o codigo]

  • Manual de Economía Política.
  • Manual completo de Lectura.
  • Aritmética.
  • 1824: Ensayo imparcial sobre el gobierno del Rey D. Fernando VII.
  • 1843: De la administración pública con relación a España.
  • 1849: Manual de Agricultura.

Vinclos externos[editar | modificar o codigo]

Referencias[editar | modificar o codigo]