Air guitar

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

L'air guitar (en anglés literalment "guitarra d'aire") ye una actividat en que se fa cenyos como si s'estase tanyendo una guitarra imachinaria. O musico fa veyer que tien una guitarra entre as mans y ye tanyendo musica, por un regular electrica. A interpretación incluye riffs y solos de guitarra d'estilos como o rock u o heavy metal.

En 1969, en o Festival de Woodstock, Joe Cocker en fació una demonstración.^[1]

Concursos

A organización de competicions d'air guitar son prou habituals en muitos países. As primeras competicions d'air guitar se facioron en primerías d'os anyos 1980 en Suecia y os Estaus Unius. Dende 1996 bi ha un Campionato d'o Mundo d'Air Guitar que se celebra anualment como parti d'o Festival de Musica d'Oulu en Finlandia.^[2] A ideya prencipió como una broma, pero s'ha convertito en un evento important aintro d'o festival.

En Aragón tamién s'han feito campionatos d'air Guitar como o que se celebró en 2010 en Zaragoza ta promocionar os festivals de musica d'a provincia^[3]

Referencias

↑ (en) Joe Cocker, Woodstock 1969
↑ (en) www.airguitarworldchampionships.com
↑ (es) Air Guitar - Zaragoza Provincia Creativa

Datos: Q14919
Multimedia: Air guitar / Q14919

[1] (en) Joe Cocker, Woodstock 1969

[2] (en) www.airguitarworldchampionships.com

[3] (es) Air Guitar - Zaragoza Provincia Creativa

[1]

[2]

[3]