Árbol de Nadal

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Un abet de Nadal.

L'árbol de Nadal (tamién dito de Navidat) ye un obchecto de decoración tipica d'o Nadal. Gosa estar una conifera de fuella perenne, por un regular un abet, y por ixo ye tamién conoixito como abet de Nadal, abete de Nadal. Se decora con elementos nadalencos como bolas, luces, figuretas y lazos.

Historia

Cuan os primers cristianos plegoron a o norte d'Europa, descubrioron que os barbaros celebraban o cabo d'anyo d'un d'os suyos dioses, adornando un árbol perén, en una calendata amán d'o Nadal cristiano. Iste árbol simbolizaba l'árbol de l'Universo, dito Divin Isdrasil, en a copa d'o que se trobaba o cielo, Asgard y o Valhalla; y en as radices mas fundas yeran os infiernos. Posteriorment con a evanchelización d'istos pueblos, os cristianos pilloron a ideya de l'árbol cambiando-le de tot o significato.

Sant Bonifacio, evanchelizador alemán, debant d'a uellada d'os chermans, pilló un astral y talló l'árbol (o Divin Isdrasil); y en o suyo puesto plantó un pin, simbolo de l'aimor perén de Dios, y l'adornó con manzanas y velas; as manzanas simbolizaban o pecato orichinal y as tentacions, mientres que as velas representaban a luz de Chesucristo como luz d'o mundo. Con o paso d'o tiempo, as manzanas y as luces, se fuoron transformando en esferas y atros adornos.

Significato cristiano

L'árbol mesmo remera l'árbol d'o Paradiso, d'os fruitos d'on minchoron Adán y Eva, y d'a on venió o pecato orichinal; y por tanto remera que Chesucristo venió a estar o Mesias promeso ta a reconciliación. A forma triangular de l'árbol (por estar por un regular una conifera), representa a Santísma Trinidat. Os adornos simbolizan os dons que Dios da a os hombres, mientres que a estrela representa la de Betlem. Ya que l'árbol be d'estar perén, representa a vida eterna.

• Datos: Q47128
• Multimedia: Christmas trees / Q47128