Abazos
| Abazos Abaza | ||||||
|---|---|---|---|---|---|---|
 | ||||||
|
| ||||||
| ||||||
| Abazo | ||||||
| Islam | ||||||
Os abazos son un grupo etnico que habita a rechión autonoma de Carachaievo-Cherquesia, (on en 1989 yeran 27.475 individuos, o 6,5 % d'a población), que charran una luenga caucasica nordoccidental pareixita a lo abkhasio y son musulmans.
Luenga[editar | modificar o codigo]
A principios d'o periodo sovietico creyoron un standard escrito basato en a parla t’aap’anta, escrito en alfabeto latín dende 1932 dica 1938, quan obligoron a prener l'alfabeto cirilico, en una variant diferent de l'alfabeto cirilico preso pa escribir l'abkhasio, (pa dificultar as comunicacions por escrito entre luengas chermanas).
Bells lingüistas a sobén consideran l'abkhasio y l'abazo una sola luenga, l'abkhasio-abazo, estando-ne as formas más diferenciatas as variedatz literarias de cadaguna. Gramaticalment, as dos son bien pareixitas; manimenos, as diferencias fonolochicas son considerables, o que fa que muitos lingüistas s'estimen més una clasificación deseparata.
Historia[editar | modificar o codigo]
Orichinalment viviban en a costera sud d'o Caucas, en l'actual Abkhasia, on los griegos los conoixeban como abazchians. En o sieglo XIV una primera ondata d'abazos emigró ta o Caucas norte, y dimpués d'o sieglo XVII, os zaguers que'n quedaban en o Caucas sud emigroron tamién ta o Caucas norte.
Bibliografía[editar | modificar o codigo]
- Felipe Fernández-Armesto. Los hijos de Zeus. Pueblos, etnis y culturas de Europa. 1996 Grijalbo.