Miguel III

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Miguel III
Emperador de l'Imperio Bizantín
Solido bizantín de Miguel III
Emperador de l'Imperio Bizantín
842 - 867
Predecesor	Teodora
Succesor	Basilio I
Naixencia	19 de chinero de 840
Muerte	23-24 de setiembre de 867
Dinastía	Dinastía frichia
Pai	Teofilo de Bizancio
Mai	Teodora

Miguel III o Capín estió emperador de l'Imperio Bizantín dende 842 dica 867. Ye naixito o 19 de chinero de 840 de Costantinoble y morió o 23 u 24 de setiembre de 867.

Yera fillo de l'emperador Teofilo, y lo succedió a la edat de 3 anyatas, estando rechent a suya madre Teodora, que persiguió a los Paulicians y esvielló o culto a las santas imáchens en l'anyo 842. Miguel cayó baixo a influencia de su tío Bardas, qui prenió o poder en l'anyo 857. En o "Libro d'os Emperadors" comentan:

E el emperador Micali, seyendo ya en edat perfecta e vidiendo la governación imperial passar por mano de otri, deplazíale; e le somovían de levar la governación a Vardá, su tío, ermano de su madre, el cual era uno de los procuradores lexado de su padre en su testament. En aquesti medio avino un contrast entre maestre Manuel e Logotheti Teotisto, entramos procuradores en la governación, por el cual contrast Manuel se partí del palacio e estávase en su casa, e no ý vinía sino cuando era menester ordenar alguna cosa ; e aprés tornávase'nde

Dimpués que Teodora dixase a rechencia, Miguel III la obligó a retirar-se a un convento y fer-se moncha a l'igual que fació con as suyas mesmas chirmanas.

En os anyos 855-856 encomenzó un conflicto con os bulgaros. Miguel prebó de recobrar o control de bellas zonas de Tracia, incluita Philippopolis (actual Plovdin) y os puertos d'a redolata d'o golfo de Burgas en a mar Negra. As fuerzas bizantinas, dirichitas por l'emperador y por Bardas reconquerioron Philippopolis, Develtus, Anchialus y Mesembria, y tamién a rechión de Zagora. Os bulgaros no podioron ofreixer una resistencia prou fuerte por estar en guerra con os francos de Loís o Chermanico y os croatas.

Baixo Miguel III os bizantins fuoron derrotatos por os musulmans en l'aria d'o Eufrates, pero dimpués a intervención de Petronás, tío de Miguel III salvó a situación con una gran victoria.

En l'anyo 865 se produció a primera incursión de saqueyo d'os rusos de Kiev en a costa d'a Mar Negra, que comentan asinas en "Libro de los Emperadors":

En aquel tempo los roses fazían grant estol e andavan en cuso darredor de la mar que se dize Póntico. E encara entendían venir entro Costantinoble; mas su entención romanió sin obra, como plazió a Dios, e tornaron a su terra por fuerça de la ira de Dios que les vino.

Con a influencia de Basilio substituyó a la de Bardas, y en una campanya militar en Creta Bardas fue asesinato por Basilio. Bel tiempo dimpués Basilio tamién asesinó a Miguel III, prenendo o poder y convertindo-se en l'emperador Basilio I.

Predecesor: Teodora

Emperador de l'Imperio Bizantín 842-867

Succesor: Basilio I