Roberto Ayala

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Ayala
Información personal
Nombre	Roberto Fabián Ayala
Naixiu o	12 d'abril de 1973
Naixiu de	Paraná, Archentina
Altaria	1,77 m
Posición	Esfensa central
Esporte	Fútbol
Equipos profesionals
Anyos	Equipo
1992-1993 1994-1995 1995-1996 1996-1998 1998-2000 2000-2007 2007 2007-2010 2010	Ferro Carril O. River Plate → SSC Napoli SSC Napoli AC Milán Valencia CF Villarreal CF Real Zaragoza Racing Club
Selección nacional
1994–2007	Plantilla:Selección Archentina

Roberto Ayala
Esporte	Fútbol
Chuegos Olimpicos
Archent	Atlanta 1996	Fútbol
Oro	Atenas 2004	Fútbol

Roberto Fabián Ayala naixito de Paraná (Archentina) o 12 d'abril de 1973 ye un futbolista archentino que actualment ye retirato y que chugó en o Real Zaragoza dende 2007 dica 2010.

Biografía

Ayala ye archentino, encara que tamién tien nacionalidat italiana. Chuga d'esfensa central y o suyo primer equipo estió Ferro Carril Oeste. Como su pai tamién se diz Roberto Ayala, él prefiere que li digan Fabián Ayala.

Se formó en as categorías inferiors d'o Ferro Carril Oeste dica 1992, anyo que pasó a fer parti d'a primera plantiella. Debutó en a primera división archentina o 23 de febrero de 1992 en o partiu Ferro Carril Oeste 2 - Belgrano de Córdoba 1.

En 1994 fichó por o River Plate. Con iste equipo ganó lo Torneyo Apertura ixe mesmo anyo.

En 1995 fichó por o Nápols d'a Serie A italiana.

En 1998 fichó por l'AC Milan. En a suya primera temporata en o suyo nuevo club se proclamó campión d'a liga italiana.

En 2000 o Valencia CF se fació con os suyos servicios. Con iste equipo plegó a la final d'a Liga de Campions de 2001 y ganó dos ligas y una Copa d'a UEFA. En a temporata 2004-2005 un par de lesions fación que no chugase a mayor parti d'a liga.

En 2007, Ayala fichó por o Villarreal CF pero no chugó garra partiu con o equipo amariello, ya que o 14 de chuliol d'o mesmo anyo, o Real Zaragoza pagó os seis millons d'euros d'a suya clausula de rescisión ta fichar-lo.

Selección nacional

Debutó como internacional con a selección archentina o 16 de noviembre de 1994 en o partiu Chile 3 - Archentina 0.

Tamién chugó con a selección olimpica que ganó a medalla d'oro en os Chuegos Olimpicos d'Atenas 2004.

Clubs

• Ferro Carril Oeste – 1992-1993.
• Club Atlético River Plate – 1994-1995.
• SSC Napoli – 1995-1998.
• AC Milán – 1998-2000.
• Valencia CF – 2000-2007.
• Real Zaragoza - 2007- 2010.
• Racing Club de Avellaneda - 2010.

Títols

Nacionals

• 1 Liga archentina (Torneyo Apertura), River Plate, 1994.
• 1 Liga italiana, AC Milan, 1998-1999.
• 2 Ligas espanyolas, Valencia CF, 2001-2002 i 2003-2004.

Internacionals

• 1 Copa d'a UEFA, Valencia CF, 2003-2004.
• 1 Supercopa d'Europa, Valencia CF, 2004.
• Medalla d'oro en os Chuegos Olimpicos, Selección argentina.

Participacions en a Copa d'o Mundo

• Francia 1998: 5 partius.
• Corea e Chapón 2002: 0 partius.
• Alemanya 2006: 5 partius, 1 gol.

Vinclos externos

• (es) Web Oficial d'Ayala.
• (es) Ayala en www.lfp.es.
• (es) Estatisticas d'Ayala con a selección archentina (RSSF).