Siemens AG
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Siemens AG (pronunciato en alemán /ˈziːməns/) ye una interpresa multinacional d'orichen alemán, adedicata a las telecomunicacions, transporte, medicina, financiamiento, enerchía, y a la iluminación a traviés d'a marca Osram, entre atras arias d'a incheniería. As suyas seus centrals se troban en Múnich, Erlangen y Berlín.
Historia
A interpresa fue fundata o 12 d'octubre de 1847 en un piso interior d'a carrera Schöneberg n º 19, en Berlín, por Werner von Siemens y Johann Georg Halske, con o nombre de Telegraphe-Bauanstalt von Siemens & Halske, a partir de 1897, Siemens & Halske AG. En zaguerías d'o sieglo XIX prencipió a construyir-se Siemensstadt en Berlín, un barrio residencial y industrial que aculliba a os suyos empleatos. En 1903, se fundó Siemens-Schuckertwerke. En 1919 se fundó Osram GmbH, Siemens & Halske y tres grupos alemans facioron ista acción (entre éls AEG). As accions de Osram son 100% de Siemens AG en l'actualitat. En 1932 se fundó Siemens-Reiniger-Werke AG, ta adedicar-se a la medicina.
A interpresa sobrevivió a las dos guerras mundials, a primera gracias a l'acción d'o tercer fillo de Werner von Siemens, Carl Friedrich.
A partir de 1966 se conoixe como Siemens AG, que estió a unión de Siemens & Halske, Siemens-Reiniger-Werke y Siemens-Schuckertwerke. Ista unión se fació cuan yera president Ernst von Siemens, nieto de Werner.
Presencia en Aragón
Siemens tenió en Zaragoza, en Malpica, una fabrica de telecomunicacions mientres 35 anyos dica l'anyo 2007 cuan habió de zarrar por a crisi, forachitando a 310 treballadors.[1]
D'atra man en a factoría d'o grupo BSH en Montanyana se fabrican electrodomesticos d'a marca Siemens.