Ulises
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Ulises | |
|---|---|
 Odiseo ligau a o mástel d'o suyo barco tractando de vencer l'atracción d'as sirenas. Cuadro de Leon Belly As sirenas (Museo de l'Hotel Sanderin, Saint Omer, Francia). | |
| Mitolochía: | Mitolochía griega |
| País: | Antiga Grecia |
| Atros nombres: | Odiseo |
| Pai: | Laertes u Sisifo |
| Mai: | Anticlea |
| Conchuche: | Penelope |
| Chirmans: | Ctimene |
| Fillos: | Telemaco |
Odiseu u Ulises (Ὀδυσσεὺς en griego, Vlixes en latín) estió un d'os herois d'a mitolochía griega que amaneixe citau por primera vegada en a Cipria u Cantos Ciprios, primero d'os poemas d'o clamau Ciclo Troyano, ta dimpués estar un d'os protagonistas d'a Iliada y finalment o personache central y que da nombre a l'Odisea, todas dos obras atribuidas a Homero, y posteriorment en muitas atras obras. Yera rei de Itaca, una d'as actuals islas Chonicas, situada frent a la costa occidental de Grecia. Fillo de Laertes y Anticlea en a Odisea, u en relatos posteriors, de Sisifo y Anticlea. Yera esposo de Penelope, pai de Telemaco y chirmán gran de Ctimene, que sufrioron aguardando-lo entre vinte anyos: diez d'éls los i heba pasau luitando en a guerra de Troya y os atros diez prebando de tornar a Itaca con una serie de problemas y obstaclos que habió d'afrontar.
