Constructa
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Constructa ye una interpresa alemana d'electrodomesticos que produce lavaderas, ixugaderas, frigorificos, lavadors y fornos.
En primerías d'os anyos 1950 Constructa desenvolicó y comercializó a primera lavadera d'o mercato con puerta en o frontal (dita "uello de buei" por a suya forma).
Entre os anyos 1950 y 1960 Constructa yera a primera interpresa alemana de lavaderas. Cuan apareixió, a Constructa estió a primera y sola lavadera automatica de tot en Alemanya. O aparato realizaba cuantos ciclos de lavato. A lavadera heba d'estar fixata a tierra con cuatre torniellos, ya que teneba un gran desequilibrio en o ciclo de centrifugato. Por ixas envueltas, una vegada que a garantía de l'aparato expiraba yera posible enamplar o periodo de garantía cada tres meses bosando 75 marcos y tenendo por tanto asistencia tecnica en as reparacions que podese amenistar o electrodomestico.
Historia
| 11 de chinero de 1951 | establita con o nombre de Peter Pfenningsberg GmbH en Düsseldorf-Oberkassel. |
| 27 de febrero de 1958 | a interpresa se treslada enta Ratingen-Lintorf. |
| 8 de febrero de 1961 | cambia o suyo nombre a "CONSTRUCTA-WERKE-GMBH". |
| 1 de chinero de 1969 | a producción se treslada enta a fabrica de Siemens en Berlín. |
Constructa ye encara hue una marca reconoixita en o segmento d'os electrodomesticos. Actualment fa parti d'o grupo BSH Bosch und Siemens Hausgeräte baixo o nombre de Constructa-Neff Vertriebs-GmbH.
Bibliografía
- Die Quecke Ratinger und Angerländer Heimatblätter, 1998. Pachina 168