Clica
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Una clica ye una colla de personas que se mueven metendo estrapalucio y fendo estorbo a os de demés, que perholian masa en un entorno festivo u porque van fendo fiestas cuan os atros no van. Tamién s'asocia con personas que no fan fayena denguna, u que son carrilans y siempre consiguen no haber de treballar como os atros.
- Con ixa clica to'l diya gosa estar, clotiando a'l lau d'es cazuelos.[1]
- Que si asentar-se de culos ta l'altar, que si fer corros ta beber en bota, que si firme chuflar y redir... es curas ya no saben ta qué man chirar-se con ixa clica.[1]
A parola tamién puede designar a una colla con malas intencions u que se les ne puede atribuir, de forma real u en base a suposicions y prechudicios, por o suyo aspecto, comportamiento dubdoso u pertenencia a bel grupo social tachau.
- Ixes l'habrán feto! Menuda clica son![1]
- Veniban una clica de chitanos por as faixas de solano...! Ya puez contar o que miraban.
- Ixes críos son mala clica, mala clica.[1]
Referencias
- ↑ 1,0 1,1 1,2 1,3 (es) BLAS GABARDA, Fernando y ROMANOS HERNANDO, Fernando, Diccionario Aragonés: Chistabín-Castellano; Gara d'Edizions. Zaragoza, 2008. ISBN 978-84-8094-061-0