Badallo

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Pa o palo que pende adentro de campanas y esquillas y que ye o que las fa sonar, se veiga Batallo.

Hombre choven que leye (de maitins) (Mihály Zichy, 1867). Un hombre badallando.

O badallo ye l'acción incontrolada d'ubrir a boca, deseparando firme as mandibulas, entre que se fa una inspiración profunda, pa dimpués rematar expirando una miqueta menos entre que se zarra as mandibulas de nuevo.

Cuan se badalla, s'estira os musclos facials, s'ensupina la cabeza, se gosa zarrar os uellos y se produce saliva. Tiene un efecto de descontracturar y relaixar o cuerpo, y ye una acción común en personas y atros animals vertebraus.

L'acción de fer un badallo se diz en aragonés badallar u abadallar, que viene d'o latín <batacūlare, con o mesmo significau que tiene agora, y deriva d'o verbo «bater» <batare. Podría estar relacionau en a suya etimolochía con o verbo «badar»; no meter atención a las cosas.

Se veiga tamién

• Estarnudo.
• Tos.
• Singlutido.
• Suenio.
• Rutido.

Vinclos externos

• Se veigan as imáchens de Commons sobre badallar.