Estarnudo
Un estarnudo[1][nota 1] (d'o latín < sternutāre[2]) ye un acto refleixo convulsivo que fa expulsar l'aire dende os pulmons a traviés d'a nariz u tamién d'a boca.
De regular, o provoca a irritación d'a mucosa nasal por bella particula extranya y fa una función mas que mas pa desfensa d'o cuerpo. Manimenos, tamién puet estar simptomatico d'una alerchia u d'o muergo que causan o resfriau común u a gripe.
Variants en aragonés
[editar | modificar o codigo]Anque «estarnudo» ye o nombre mas común pa este refleixo en aragonés oral, y o mas amanau a la etimolochía (latín <sternutāre), tamién se troba en bellas variants dialectals de l'aragonés formas con cambios d'uno u dos sonius:
- Estarnugo: en Ribagorza,[3] que se torna estarnut en benasqués.[4] En os dos casos, o verbo ye estarnudar[4][5] (pronunciau "estarnudá").
- Estornugo: en a val de Chistau.[6] O verbo ye estornugar[6] (pron. "estornugá", "estornugare" nomás que en Chistén). En Chistén Brian Mott documenta estornudo y o verbo estornudar.[7]
- Estarnudo: en a Fueva. O verbo ye estarnudar,[8] con -r pronunciada a o final.
- Estornugo en Tella. O verbo que emplegan ye estornuguiar: Lo polvo me fa estornuguiar.[9]
Notas
[editar | modificar o codigo]- ↑ Con as variants estarnugo y estarnut
Referencias
[editar | modificar o codigo]- ↑ (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
- ↑ (es) Voz «estornudar» en o DRAE, consultada o 24 de marzo de 2019.
- ↑ (es) TURMO MUR, Vicente, Vocabulario de Graus en www.LaBullanga.com; Consultau o 24 de marzo de 2019.
- ↑ 4,0 4,1 (es) BALLARÍN CORNEL, Ángel, Diccionario del benasqués; Zaragoza, 1978. Consultable en linia a traviés de (an)(es)(en) Diccionario del benasqués. Consultau o 24 de marzo de 2019.
- ↑ (es) ARNAL PURROY, Mª Luisa, Diccionario del habla de la Baja Ribagorza Occidental -Huesca-; Institución «Fernando el Católico» + Gara d'Edizions. Zaragoza, 2003. ISBN 84-8094-052-2
- ↑ 6,0 6,1 (es) BLAS GABARDA, Fernando y ROMANOS HERNANDO, Fernando, Diccionario Aragonés: Chistabín-Castellano; Institución «Fernando el Católico» + Gara d'Edizions. Zaragoza, 2008. ISBN 978-84-8094-061-0
- ↑ (es) MOTT, Brian L.. Diccionario etimológico chistabino-castellano castellano-chistabino. Institución «Fernando el Católico». Zaragoza, 2000. ISBN 84-7820-553-5
- ↑ (es) BLAS GABARDA, Fernando y ROMANOS HERNANDO, Fernando, El Aragonés de Baixo Peñas; Institución «Fernando el Católico» + Gara d'Edizions. Zaragoza, 2005. ISBN 84-8094-054-9
- ↑ (es) LOZANO SIERRA, Chabier, Aspectos Lingüísticos de Tella. Aragonés de Sobrarbe (Huesca); Institución «Fernando el Católico» + Gara d'Edizions. Zaragoza, 2010. ISBN 978-84-8094-062-7
Se veiga tamién
[editar | modificar o codigo]- Tos.
- Singlutido.
- Badallo.
- Rotiu.
