Carnivorismo
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
- O termino carnivoro reendreza ta iste articlo. Ta la orden d'animals mamiferos que tienen dients carniceras se veiga Carnivora.
O carnivorismo (d'o latín <CARNE, «carne», y <VORARE, «devorar») ye una forma d'alimentación animal que consiste en a obtención d'os nutrients que cal ta subsistir a partir d'os teixius d'altros animals, sigan vertebraus u invertebraus, en praticando sobre ixes a depredación u a necrofachia. De os organismos que obtienen os suyos nutrients con o carnivorismo se'n diz «carnivoros». Os organismos que penden en a totalidat d'o consumo de teixius d'otri ta alimentar-se se consideran «carnivoros obligaus». Ante parte, existen muitas especies que alternan a inchesta de teixius animals con altros que dimanan de vechetals y prenen o nombre d'«omnivoros», anque no s'ha puesto consensuar garra ratio de consumo d'uns y d'altros productos como ta destinguir de forma clara un omnivoro contra un «carnivoro facultativo», que ye lo quin, en minchando carne como base d'a suya dieta, tamién ye capable d'incorporar-ie productos vechetals.